الماتىنىڭ ءبىلىم باسقارماسى ەلىمىزدىڭ جەتەكشى جوعارى وقۋ ورىندارىمەن ءوزارا ىنتىماقتاستىق تۋرالى مەموراندۋمدارعا قول قويدى، - دەپ حابارلايدى alnews.
ىنتىماقتاستىق ورناتىلعان جوعارى وقۋ ورىندارىنىڭ قاتارىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتى، قازاق ۇلتتىق قىزدار پەداگوگيكالىق ۋنيۆەرسيتەتى، SDU University، ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى جانە De Montfort University بار.
ىنتىماقتاستىقتىڭ نەگىزگى ماقساتى – الماتى مەكتەپتەرىنىڭ وزەكتى قاجەتتىلىكتەرىن ەسكەرە وتىرىپ، پەداگوگ كادرلاردى دايارلاۋدىڭ ءتيىمدى جۇيەسىن قالىپتاستىرۋ، سونداي-اق جاس مامانداردىڭ كاسىبي قالىپتاسۋى مەن جۇمىسقا ورنالاسۋىنا قوسىمشا مۇمكىندىكتەر جاساۋ.
مەموراندۋمدار اياسىندا بولاشاق پەداگوگتەردى دايارلاۋ ساپاسىن ارتتىرۋعا، ستۋدەنتتەردىڭ پەداگوگيكالىق پراكتيكادان ءوتۋ جانە اكادەميالىق ۇتقىرلىق مۇمكىندىكتەرىن كەڭەيتۋگە، تۇلەكتەردى قالانىڭ مەملەكەتتىك ءبىلىم بەرۋ ۇيىمدارىنا جۇمىسقا ورنالاستىرۋعا قولداۋ كورسەتۋگە ەرەكشە كوڭىل بولىنەدى. سونىمەن قاتار مەكتەپ وقۋشىلارىمەن بىرلەسكەن كاسىبي باعدار بەرۋ جۇمىستارىن جۇرگىزۋ، عىلىمي-زەرتتەۋ جانە ادىستەمەلىك جوبالاردى جۇزەگە اسىرۋ، پەداگوگتەردىڭ كاسىبي قۇزىرەتتەرىن ارتتىرۋ باعىتىندا بىرلەسكەن جۇمىستار جۇرگىزىلەدى.
جاڭا سەرىكتەستىك جوعارى جانە ورتا ءبىلىم بەرۋ جۇيەلەرى اراسىنداعى بايلانىستى نىعايتىپ، بولاشاق مۇعالىمدەر ءۇشىن «جوعارى وقۋ ورنى – پراكتيكا – جۇمىسقا ورنالاسۋ – كاسىبي دامۋ» باعىتىنداعى تۇسىنىكتى كاسىبي تراەكتوريانى قالىپتاستىرۋعا مۇمكىندىك بەرەدى.
بۇل الماتى ءۇشىن ءبىلىم بەرۋ ۇيىمدارىنىڭ جەلىسى كەڭەيىپ، ءبىلىم بەرۋ ينفراقۇرىلىمى جاڭارىپ جاتقان قازىرگى كەزەڭدە ەرەكشە ماڭىزدى. جەتەكشى جوعارى وقۋ ورىندارىمەن ىنتىماقتاستىق مەكتەپتەردى بىلىكتى ماماندارمەن قامتاماسىز ەتىپ قانا قويماي، جاستار اراسىندا پەداگوگ ماماندىعىنىڭ تارتىمدىلىعىن ارتتىرۋعا دا ىقپال ەتەدى.
