الماتى قالاسىنىڭ المالى اۋدانىندا جاستار اراسىندا سالاۋاتتى ءومىر سالتىن ناسيحاتتاۋ، بۇقارالىق سپورتتى دامىتۋ جانە جاستاردىڭ ءوزارا ىنتىماقتاستىعىن نىعايتۋ ماقساتىندا «Jas CUP» فۋتبول ءتۋرنيرى ۇيىمداستىرىلدى، - دەپ حابارلايدى alnews.
سپورتتىق شاراعا المالى اۋدانىنىڭ بەلسەندى جاستارى مەن فۋتبولعا قىزىعۋشىلىق تانىتقان جاس سپورتشىلار قاتىسىپ، الاڭدا ءوزارا ب ا ق سىناستى.
ءتۋرنيردىڭ باستى ماقساتى - جاستاردى سپورتقا باۋلۋ، ولاردىڭ بوس ۋاقىتىن ءتيىمدى ۇيىمداستىرۋ، كوماندالىق رۋحتى قالىپتاستىرۋ جانە اۋدان جاستارى اراسىندا سپورتتىق مادەنيەتتى دامىتۋ.
جارىس بارىسىندا قاتىسۋشىلار وزدەرىنىڭ سپورتتىق شەبەرلىكتەرىن، تاباندىلىعى مەن جەڭىسكە دەگەن جىگەرىن كورسەتتى. تارتىستى وتكەن كەزدەسۋلەر جاستاردىڭ كوماندالىق بىرلىگىن ارتتىرىپ، ءوزارا تاجىريبە الماسۋىنا مۇمكىندىك بەردى.
ۇيىمداستىرۋشىلاردىڭ ايتۋىنشا، مۇنداي سپورتتىق باستامالار جاستاردىڭ بەلسەندى ومىرلىك ۇستانىمىن قالىپتاستىرۋدا ماڭىزدى ءرول اتقارادى.
«بۇگىندە جاستاردىڭ جان-جاقتى دامۋىنا جاعداي جاساۋ - باستى باسىمدىقتاردىڭ ءبىرى. سپورت - تەك دەنە شىنىقتىرۋ قۇرالى عانا ەمەس، ول تارتىپكە، جاۋاپكەرشىلىككە جانە بىرلىككە تاربيەلەيتىن ماڭىزدى ورتا. “Jas CUP” سياقتى جوبالار ارقىلى ءبىز جاستاردىڭ سپورتقا دەگەن قىزىعۋشىلىعىن ارتتىرىپ قانا قويماي، ولاردىڭ ءوزارا بايلانىسىن نىعايتۋعا، جاڭا مۇمكىندىكتەرگە جول اشۋعا ۇمتىلامىز. ەڭ باستىسى - جاستاردىڭ بەلسەندىلىگى مەن باستاماشىلدىعىن قولداۋ»، - دەپ اتاپ ءوتتى ۇيىمداستىرۋشىلاردىڭ وكىلى.
تۋرنير قورىتىندىسى بويىنشا ۇزدىك ونەر كورسەتكەن كوماندالار انىقتالىپ، جەڭىمپازدار مەن جۇلدەگەرلەر ماراپاتتالدى.
ايتا كەتەيىك، «Jas CUP» - جاستار اراسىندا بۇقارالىق سپورتتى كەڭىنەن ناسيحاتتاۋعا، سالاۋاتتى ءومىر سالتىن قالىپتاستىرۋعا جانە بەلسەندى جاستار قاۋىمداستىعىن دامىتۋعا باعىتتالعان سپورتتىق باستاما.
الماتىدا جاستاردىڭ سپورتتىق الەۋەتىن ارتتىرۋعا جانە ولاردىڭ بوس ۋاقىتىن مازمۇندى ۇيىمداستىرۋعا باعىتتالعان وسىنداي ءىس-شارالار الداعى ۋاقىتتا دا جالعاسىن تابادى.
