الماتى قالاسىندا قالا جاستارىنىڭ قاتىسۋىمەن «جاڭا ءداۋىر جاستارى» اتتى پىكىر الماسۋ الاڭى ۇيىمداستىرىلدى. ءىس-شارانى الماتى قالاسى جاستار ساياساتى باسقارماسىنىڭ قولداۋىمەن قالانىڭ بەلسەندى جاستارىوتكىزدى.
كەزدەسۋدىڭ ماقساتى – جاستار اراسىندا ازاماتتىق جاۋاپكەرشىلىك، وتانسۇيگىشتىك قۇندىلىقتاردى نىعايتۋ، سونداي-اق ەل دامۋىنا ۇلەس قوسا الاتىن جاڭا باستامالار مەن يدەيالاردى ءبىر الاڭدا تالقىلاۋ.
ديالوگ بارىسىندا سپيكەرلەر مەن قاتىسۋشىلار ەلىمىزدىڭ تاريحي كەزەڭدەرى، تاۋەلسىزدىكتىڭ قۇندىلىعى، ۇلتتىق بىرەگەيلىك، جاستار بەلسەندىلىگى جانە قوعامداعى ەرىكتىلىكتىڭ جاڭا ءرولى تۋرالى پىكىر الماستى. سونىمەن قاتار، قالا جاستارىنا قولجەتىمدى مۇمكىندىكتەر، ءبىلىم بەرۋ جوبالارى، الەۋمەتتىك باستامالاردى جۇزەگە اسىرۋ جولدارى دا ايتىلدى.
«ءبىز – تاۋەلسىز ەلدىڭ جاستارى. ءبىزدىڭ ءار ويىمىز، ءار باستامامىز – ەل بولاشاعىنا قوسىلعان ۇلەس. جاستار وزىنە سەنسە، قوعام دا وزگەرەدى. ەڭ باستىسى – ارەكەت پەن بىرلىك» - دەدى قاتىسۋشىلاردىڭ ءبىرى اياۋلىم امانگەلدى.
شارا سوڭىندا قاتىسۋشىلار جاڭا بىرلەسكەن جوبالاردى جۇزەگە اسىرۋعا نيەت ءبىلدىرىپ، ءوزارا بايلانىس جەلىسىن كەڭەيتتى.
ايتا كەتەيىك، بۇنداي شارالار الماتى قالاسىندا جۇيەلى تۇردە ۇيىداستىرىلادى.
