الماتىدا حالىقتىڭ الەۋمەتتىك وسال ساناتتارىنا جاتاتىن ازاماتتاردىڭ جاڭا بيزنەس يدەياسىن جۇزەگە اسىرۋعا ارنالعان مەملەكەتتىك گرانتتاردى بەرۋ باعدارلاماسىنىڭ العاشقى كەزەڭى اياقتالدى، - دەپ حابارلايدى alnews.
كوميسسيا شەشىمىمەن 164 ازاماتقا گرانت بەرۋ ماقۇلداندى.
ءوتىنىم بيىل 24 ماۋسىمى مەن 8 شىلدەسى ارالىعىندا قابىلداندى. وسى كەزەڭدە بارلىعى 377 ءوتىنىم كەلىپ تۇسكەن. كوميسسيا وتىرىستارى 13-21 شىلدە ارالىعىندا ءوتتى.
مەملەكەتتىك گرانتتىڭ كولەمى 400 ايلىق ەسەپتىك كورسەتكىشكە (اەك) دەيىن، ياعني 1 730 000 تەڭگە. قاراجات كاسىپكەرلىك جوبالاردى باستاۋعا جانە دامىتۋعا باعىتتالادى.
قولداۋ تاپقان بيزنەس جوبالاردىڭ قاتارىندا ازىق-تۇلىك ونىمدەرىن ءوندىرۋ، قوعامدىق تاماقتانۋ ورىندارىن اشۋ، تىگىن جانە كيىم ءوندىرىسى، قولونەر بۇيىمدارىن جاساۋ، اۆتوسەرۆيس، سۇلۋلىق يندۋسترياسى، جيھاز ءوندىرۋ، كلينينگ جانە تۇرمىستىق قىزمەت كورسەتۋ، ءبىلىم بەرۋ، الەۋمەتتىك جانە مەديسينالىق قىزمەتتەر كورسەتۋ، IT جانە سيفرلىق تەحنولوگيا، قۇرىلىس پەن جوندەۋ سالالارى بار.
گرانت يەگەرلەرىنىڭ باسىم بولىگى كوپبالالى وتباسىلاردىڭ وكىلدەرى، جالپى سانى 103 ادام. سونىمەن قاتار، ەرەكشە قاجەتتىلىگى بار 28 ازاماتقا، ەرەكشە قاجەتتىلىگى بار بالالاردى تاربيەلەپ وتىرعان 27 ازاماتقا، سونداي-اق اسىراۋشىسىنان ايىرىلعان جانە اتاۋلى الەۋمەتتىك كومەك الاتىن ازاماتتارعا گرانت بەرۋ ماقۇلداندى.
كوميسسيانىڭ قابىلداعان شەشىمدەرى قاتىسۋشىلاردىڭ business.enbek.kz پورتالىنداعى جەكە كابينەتتەرىنە جولداندى.
گرانت بەرۋ ماسەلەسى بويىنشا قوسىمشا اقپاراتتى الماتىنىڭ ەڭبەك موبيلدىلىگى ورتالىعىنان الۋعا بولادى.
مەكەنجايى: الماتى قالاسى، دوستىق داڭعىلى، 85، 2-قابات.
