9 قىركۇيەكتە الماتىداعى «دوستىق» سپورت كەشەنىندە دۇنيەجۇزىلىك توعىزقۇمالاق كۇنىنە ارنالعان تۋرنير ءوتتى، - دەپ حابارلايدى alnews.
ءىس-شارا قالا اكىمدىگىنىڭ قولداۋىمەن ۇيىمداستىرىلىپ، جارىستى الماتىنىڭ توعىزقۇمالاق سپورتى فەدەراسياسى وتكىزدى. بۇل تۋرالى قالالىق سپورت باسقارماسىنىڭ وكىلدەرى حابارلادى.
جارىسقا 200-گە جۋىق ادام قاتىستى. تۋرنير راپيد فورماتىندا بەس تۋر بويىنشا ءوتتى. قاتىسۋشىلار بىرنەشە جاس ساناتىندا، سونداي-اق قالا تۇرعىندارى مەن الماتى قۇراماسى وكىلدەرى اراسىندا ب ا ق سىنادى.
جەڭىمپازدار:
9 جاسقا دەيىنگى قىزدار اراسىندا — قۋاتبەك جانسايا؛
9 جاسقا دەيىنگى ۇلدار اراسىندا — اڭساعان مۇحاممەد-ساليح؛
11 جاسقا دەيىنگى قىزدار اراسىندا — نۇرعۇلجا گاۋحار؛
11 جاسقا دەيىنگى ۇلدار اراسىندا — رىسبەك باقىتكەلدى؛
13 جاسقا دەيىنگى قىزدار اراسىندا — باعلان قىزى ايانات؛
13 جاسقا دەيىنگى ۇلدار اراسىندا — دۇيسەن نۇراسىل؛
قالا تۇرعىندارى اراسىندا — سايلاۋبەك سەيسەنباييەۆ؛
الماتى قۇراماسى وكىلدەرى اراسىندا — جارقىنبەك ايگەرىم.
بارلىعى سەگىز سانات بويىنشا 32 جەڭىمپاز بەن جۇلدەگەر انىقتالدى. تۋرنير قورىتىندىسى بويىنشا ۇزدىك ناتيجە كورسەتكەن قاتىسۋشىلار ماراپاتتالدى.
ءىس-شارانىڭ ماقساتى – ۇلتتىق زياتكەرلىك ويىندى كەڭىنەن ناسيحاتتاۋ، وسكەلەڭ ۇرپاقتىڭ توعىزقۇمالاققا قىزىعۋشىلىعىن ارتتىرۋ جانە ۇلتتىق قۇندىلىقتاردى دارىپتەۋ.
ايتا كەتەيىك، الماتىدا 400-گە جۋىق بالا توعىزقۇمالاقپەن كاسىبي تۇردە اينالىسادى.
