9 قىركۇيەكتە الماتىداعى «دوستىق» سپورت كەشەنىندە دۇنيەجۇزىلىك توعىزقۇمالاق كۇنىنە ارنالعان مەرەكەلىك جارىس وتەدى، - دەپ حابارلايدى alnews.
وعان قالا مەكتەپتەرىنىڭ وقۋشىلارى مەن قالا قوناقتارى قاتارىنان 200-گە جۋىق ادام قاتىسادى. بۇل تۋرالى الماتى قالاسى سپورت باسقارماسىنىڭ وكىلدەرى حابارلادى.
جارىستىڭ نەگىزگى ماقساتى – ۇلتتىق زياتكەرلىك ويىندى كەڭىنەن ناسيحاتتاۋ، جاس ۇرپاقتىڭ توعىزقۇمالاققا قىزىعۋشىلىعىن ارتتىرۋ جانە ۇلتتىق قۇندىلىقتاردى دارىپتەۋ.
سايىس راپيد فورماتىندا بەس تۋر بويىنشا وتەدى. ساعات 09:00-دە جارىستىڭ سالتاناتتى اشىلۋ ءراسىمى ءوتىپ، ودان كەيىن قاتىسۋشىلار بەس تۋردا ب ا ق سىنايدى. ءار تۋردىڭ قورىتىندىسىن تورەشىلەر القاسى بەكىتەدى.
باعدارلاماعا اشىق تۋرنير، مەرەكەلىك اشىلۋ ءراسىمى، توعىزقۇمالاق سايىستارى، سونداي-اق جەڭىمپازدار مەن جۇلدەگەرلەردى ماراپاتتاۋ كىرەدى. جابىلۋ سالتاناتى ساعات 16:00-دە باستالادى.
ءىس-شارا الماتى قالاسى اكىمدىگىنىڭ قولداۋىمەن ۇيىمداستىرىلادى.
كۇنى: 9 قىركۇيەك 2026 جىل
باستالۋى: 09:00
وتەتىن ورنى: «دوستىق» سپورت كەشەنى
قوسىمشا اقپارات: 8 775 650 58 45
