الماتىدا تولە بي كوشەسىنىڭ وڭتۇستىگىندە، مومىش ۇلى كوشەسىنىڭ شىعىسىندا ورنالاسقان قىزمەت كورسەتۋ نىساندارى بار زاڭسىز سالىنعان ايالداما كەشەنىن بۇزۋ جۇمىستارى باستالدى، - دەپ حابارلايدى alnews.
قالالىق جوسپارلاۋ جانە ۋربانيستيكا باسقارماسىنىڭ مالىمەتىنشە، نىساندى بولشەكتەۋ سوت شەشىمىن ورىنداۋ ماقساتىندا جۇرگىزىلۋدە.
2022 جىلعى 19 شىلدەدە باسقارما رۇقسات قۇجاتتارىنىڭ بولماۋىنا بايلانىستى ايالداما كەشەنىن بۇزۋ تۋرالى تالاپ ارىزدى الماتى قالاسىنىڭ №2 اۋەزوۆ اۋداندىق سوتىنا جولداعان. بۇدان كەيىن ۇزاققا سوزىلعان سوت پروسەستەرى ءوتتى.
سونىڭ ناتيجەسىندە الماتى قالالىق سوتى ءبىرىنشى ساتىداعى سوتتىڭ نىساندى بۇزۋ تۋرالى شەشىمىن وزگەرىسسىز قالدىردى. وسىدان كەيىن اتقارۋ پاراعى ادىلەت دەپارتامەنتىنە جولداندى.
نىسانداردى بۇزۋ جۇمىستارى سوت ورىنداۋشىلارىنىڭ قاتىسۋىمەن باستالدى.
