الماتىدا تولە بي كوشەسى، 182 مەكەنجايىندا ورنالاسقان «Asi» ءدامحاناسىنا زاڭسىز سالىنعان قوسالقى نىساندى ءماجبۇرلى تۇردە بۇزۋ جۇمىستارى جۇرگىزىلىپ جاتىر. بۇل تۋرالى قالا قۇرىلىسىن باقىلاۋ باسقارماسىنىڭ وكىلدەرى ايتتى.
بۇعان دەيىن نىسان يەسىنە قاتىستى اكىمشىلىك شارا قولدانىلىپ، كەيىن زاڭ بۇزۋشىلىق دەرەگى بويىنشا ماتەريالدار سوتقا جولدانعان.
اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتتىڭ قاۋلىسىمەن نىسان يەسىنە اكىمشىلىك ايىپپۇل سالىنىپ، زاڭسىز قوسالقى نىساندى ءماجبۇرلى تۇردە بۇزۋ تۋرالى شەشىم شىعارىلدى. كەيىن نىسان يەسى بۇل شەشىمگە شاعىمدانعانىمەن، الماتى قالالىق سوتىنىڭ قاۋلىسىمەن ءبىرىنشى ساتىداعى سوتتىڭ شەشىمى وزگەرىسسىز قالدىرىلدى.
قازىرگى ۋاقىتتا سوت شەشىمىن ورىنداۋ ماقساتىندا ادىلەت دەپارتامەنتى سوت ورىنداۋشىلارىنىڭ قاتىسۋىمەن نىساندى بۇزۋ جۇمىستارى باستالدى.
