الماتىدا بيىل كوپپاتەرلى تۇرعىن ۇيلەردەگى 105 جەدەلساتىنى اۋىستىرۋ جوسپارلانعان. بۇل تۋرالى قالالىق كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسىنىڭ وكىلدەرى ايتتى.
جاڭارتىلاتىن جەدەلساتىلاردىڭ 47ء-سى 25 جىلدان استام ۋاقىت پايدالانىلعان، ال 58ء-ى تەحنيكالىق تۇرعىدان كۇردەلى جوندەۋدى قاجەت ەتەدى. جوبا 2023-2029 جىلدارعا ارنالعان تۇرعىن ۇي-كوممۋنالدىق ينفراقۇرىلىمدى دامىتۋ تۇجىرىمداماسى اياسىندا ىسكە اسىرىلۋدا.
ءقازىر الماتىدا 14،5 مىڭعا جۋىق جەدەلساتى پايدالانىلۋدا. ونىڭ ىشىندە 8،4 مىڭنان استامى 2 671 كوپپاتەرلى تۇرعىن ۇيدە ورناتىلعان.
باسقارما وكىلدەرىنىڭ مالىمەتىنشە، جەدەلساتىلاردىڭ توزۋ دەڭگەيىن ەسكەرە وتىرىپ، تۇرعىنداردىڭ قاۋىپسىزدىگىن قامتاماسىز ەتۋ ءۇشىن قالادا جىل سايىن كەمىندە 150 جەدەلساتىنى جاڭارتۋ قاجەت.
