الماتىدا 2026 جىلدىڭ باسىنان بەرى قالانىڭ الەۋمەتتىك، تۇرعىن ءۇي جانە ينجەنەرلىك ينفراقۇرىلىمىن دامىتۋ جۇمىستارى جالعاسۋدا. ءبىرىنشى جارتىجىلدىقتا ءبىلىم بەرۋ، دەنساۋلىق ساقتاۋ، تۇرعىن ءۇي قۇرىلىسى، سونداي-اق كۇردەلى جوندەۋ جانە سەيسميكالىق كۇشەيتۋ باعىتتارىن قامتيتىن 10 الەۋمەتتىك ماڭىزى بار نىساننىڭ قۇرىلىسى اياقتالىپ، پايدالانۋعا بەرىلدى. بۇل تۋرالى الماتى قالاسىنىڭ قۇرىلىس باسقارماسىنىڭ وكىلدەرى ايتتى.
جاڭا نىسانداردىڭ باسىم بولىگى ءبىلىم بەرۋ سالاسىنا تيەسىلى. اتاپ ايتقاندا، زەردەلى شاعىناۋدانىندا 550 ورىندىق مەكتەپ، شۇعىلا شاعىناۋدانىندا 340 ورىندىق مەكتەپ پەن جاتاقحانا، قۇرامىس، جاس قانات جانە قالقامان شاعىناۋداندارىندا جالپى سىيىمدىلىعى 820 ورىندىق ءۇش بالاباقشا، سونداي-اق سايالى شاعىناۋدانىندا دامۋ جانە شىعارماشىلىق ورتالىعى پايدالانۋعا بەرىلدى.
سونىمەن قاتار، №10 بوبەكجاي-بالاباقشا قايتا جاڭعىرتىلىپ، بوستاندىق اۋدانىنداعى وربيتا-4 شاعىناۋدانىندا ورنالاسقان بوبەكجاي-بالاباقشا عيماراتى سەيسميكالىق تۇرعىدان كۇشەيتىلدى.
دەنساۋلىق ساقتاۋ سالاسىندا مەدەۋ اۋدانىندا جەدەل مەديسينالىق جاردەم قوسالقى ستانساسى پايدالانۋعا بەرىلدى. سونداي-اق، المالى اۋدانىنداعى ابىلاي حان كوشەسىندە ورنالاسقان مەملەكەتتىك كىرىستەر دەپارتامەنتى عيماراتى قايتا جاڭعىرتۋدان ءوتتى.
تۇرعىن ءۇي قۇرىلىسى اياسىندا قالقامان-2 شاعىناۋدانىنداعى حالىققا قىزمەت كورسەتۋ نىساندارى بار كوپپاتەرلى تۇرعىن ۇيلەردىڭ العاشقى كەزەڭى اياقتالدى.
الماتى قالاسى قۇرىلىس باسقارماسى وكىلدەرىنىڭ مالىمەتىنشە، اتالعان جوبالاردى جۇزەگە اسىرۋ ءبىلىم بەرۋ، دەنساۋلىق ساقتاۋ جانە مەكتەپكە دەيىنگى تاربيە بەرۋ نىساندارىمەن قامتىلۋ دەڭگەيىن ارتتىرۋعا، جاڭا وقۋشى جانە مەكتەپكە دەيىنگى ورىندار اشۋعا، سونداي-اق، قالانىڭ الەۋمەتتىك ينفراقۇرىلىمىنىڭ قاۋىپسىزدىگىن كۇشەيتۋگە مۇمكىندىك بەردى.
