الماتىدا سپورتتى، مۋزىكانى، زاماناۋي تەحنولوگيا مەن ۆيزۋالدى ونەردى توعىستىرعان العاشقى CYCLE FEST فەستيۆالى ءوتتى. بۇل تۋرالى الماتى قالاسى سپورت باسقارماسىنىڭ وكىلدەرى ايتتى، - دەپ حابارلايدى alnews.
فەستيۆالدىڭ باستى وقيعاسى 300 ادامنىڭ قاتىسقان يممەرسيۆتى سايكل-شوۋ بولدى. مۋزىكالىق سۇيەمەلدەۋ، جارىق ەففەكتىلەرى مەن ۆيزۋالدى ينستاللياسيالار اياسىندا قاتىسۋشىلار ءبىر مەزەتتە جاتتىعۋ جاساپ، اۋقىمدى سينحروندى پەرفورمانستىڭ ءبىر بولىگىنە اينالدى.
فەستيۆال بارىسىندا قازاقستاندىق ZAQ، Bonapart جانە Abyken Performance Show ونەر كورسەتتى.
قوناقتار ءۇشىن ينتەراكتيۆتى الاڭ، سپورتتىق جانە بي پەرفورمانستارى، كورسەتىلىم باعدارلامالارى مەن ويىن-ساۋىق ايماعى ۇيىمداستىرىلدى. كەشتىڭ ەڭ اسەرلى ساتتەرىنىڭ ءبىرى ارنايى جەدەل ارەكەت ەتۋ جاساعى قىزمەتكەرلەرى كورسەتكەن ارنايى دايىندىق پەن قويان-قولتىق ۇرىس بولدى.
CYCLE FEST ءتۇرلى جاستاعى ءارى دەنە دايىندىعى ءارتۇرلى قاتىسۋشىلاردىڭ باسىن قوسىپ، الماتىلىقتاردىڭ بۇقارالىق سپورتقا جانە بەلسەندى دەمالىستىڭ زاماناۋي تۇرلەرىنە قىزىعۋشىلىعى جوعارى ەكەنىن كورسەتتى.
الماتى قالاسى سپورت باسقارماسىنىڭ مالىمەتىنشە، CYCLE FEST — دەنە بەلسەندىلىگى، مۋزىكالىق باعدارلاما جانە تەحنولوگيالىق شەشىمدەردى ءبىر فورماتتا بىرىكتىرگەن قازاقستانداعى العاشقى سپورتتىق جوبا.
مۇنداي ءىس-شارالار تۇرعىندار اراسىندا سالاۋاتتى ءومىر سالتىن ناسيحاتتاپ، بۇقارالىق سپورتتى دامىتۋعا جانە حالىقتى تۇراقتى تۇردە سپورتپەن اينالىسۋعا ىنتالاندىرۋعا مۇمكىندىك بەرەدى.
