الماتى قالاسىندا حالىقتىڭ الەۋمەتتىك وسال توپتارىن تۇرعىن ۇيمەن قامتاماسىز ەتۋ باعىتىنداعى جۇمىستار جۇيەلى تۇردە جالعاسۋدا، - دەپ حابارلايدى alnews.
وسى ماقساتتا الماتى قالاسىنىڭ قۇرىلىس باسقارماسى الەۋمەتتىك وسال ساناتتاعى ازاماتتاردى تۇرعىن ۇيمەن قامتاماسىز ەتۋ ءۇشىن 6 353 پاتەردى ساتىپ الۋدى جوسپارلاعان. بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا قۇرىلىس باسقارماسىنىڭ باسشىسى نۇربول نۇرساعاتوۆ مالىمدەدى.
بۇگىنگى تاڭدا 2 717 پاتەر ۋاكىلەتتى ورگاننىڭ تەڭگەرىمىنە بەرىلدى. تاعى 640 پاتەردى قابىلداپ الۋ جۇمىستارى جۇرگىزىلۋدە، ولار بويىنشا قابىلداۋ-تاپسىرۋ اكتىلەرىنە قول قويىلعان. جىل سوڭىنا دەيىن بارلىق پاتەردى ۋاكىلەتتى ورگاننىڭ تەڭگەرىمىنە تولىق بەرۋ جوسپارلانىپ وتىر.
سونىمەن قاتار، قازاقستان رەسپۋبليكاسىنىڭ 2029 جىلعا دەيىنگى تۇرعىن ۇي-كوممۋنالدىق ينفراقۇرىلىمدى دامىتۋ تۇجىرىمداماسى اياسىندا الەۋمەتتىك كرەديتتىك تۇرعىن ءۇي قۇرىلىسى جالعاسۋدا.
قازىرگى ۋاقىتتا 2 246 پاتەرگە ارنالعان 29 كوپپاتەرلى تۇرعىن ءۇيدىڭ قۇرىلىسى جۇرگىزىلۋدە.
بۇگىندە 1 366 پاتەردى قامتيتىن 17 كوپپاتەرلى تۇرعىن ءۇيدىڭ قۇرىلىسى تولىق اياقتالدى.
ونىڭ ىشىندە:
• 7 تۇرعىن ءۇي «قالقامان-2» شاعىن اۋدانىندا؛
• 10 تۇرعىن ءۇي «جاس-قانات» شاعىن اۋدانىندا ورنالاسقان.
قازىرگى ۋاقىتتا پايدالانۋعا دايىن تۇرعىن ۇيلەر بويىنشا تەحنيكالىق پاسپورتتاردى راسىمدەۋ جۇمىستارى جۇرگىزىلۋدە.
ال «جاس-قانات» شاعىن اۋدانىنداعى 880 پاتەرگە ارنالعان قالعان 12 كوپپاتەرلى تۇرعىن ءۇيدىڭ قۇرىلىسىن 2027 جىلدىڭ II توقسانىندا اياقتاۋ جوسپارلانىپ وتىر.
