الماتى قالاسىندا الەۋمەتتىك وسال ساناتتاعى جاسوسپىرىمدەر مەن جاستاردى قولداۋعا جانە الەۋمەتتەندىرۋگە باعىتتالعان «الەۋمەتتىك شەبەرحانا» جوباسى باستالدى، - دەپ حابارلايدى alnews.
جوبا الماتى قالاسى جاستار ساياساتى باسقارماسىنىڭ قولداۋىمەن جۇزەگە اسىرىلۋدا.
اتالعان باستاما اتا-اناسىنىڭ قامقورلىعىسىز قالعان جانە ومىرلىك قيىن جاعدايعا تاپ بولعان جاستاردىڭ پراكتيكالىق داعدىلارىن قالىپتاستىرۋعا، ولاردىڭ جۇمىسپەن قامتىلۋ دەڭگەيىن ارتتىرۋعا باعىتتالعان. جوبا اياسىندا قاتىسۋشىلار سۇرانىسقا يە ماماندىقتار بويىنشا قىسقا مەرزىمدى وقىتۋ كۋرستارىنان وتەدى. ولاردىڭ قاتارىندا باريستا، اسپاز، شاشتاراز، موبيلوگراف سياقتى باعىتتار بار.
وتكەن جىلى جوبانى ىسكە اسىرۋ ناتيجەسىندە 120-دان استام ءجاسوسپىرىم وقىتۋدان ءوتتى. ولاردىڭ باسىم بولىگى كۋرستاردى ءساتتى اياقتاپ، جۇمىسقا ورنالاسۋ كەزەڭىنە ءوتتى. بۇل جوبا قاتىسۋشىلاردىڭ الەۋمەتتىك بەيىمدەلۋىنە، كاسىبي جانە تۇلعالىق داعدىلارىن دامىتۋعا وڭ اسەرىن كورسەتتى.
بيىل «الەۋمەتتىك شەبەرحانا» جوباسى ءوز جۇمىسىن جالعاستىرىپ، وقىتۋ باعىتتارىن كەڭەيتۋدى جانە قاتىسۋشىلار سانىن ارتتىرۋدى كوزدەيدى. جوبا اياسىندا تەك وقىتۋ عانا ەمەس، سونىمەن قاتار قاتىسۋشىلاردى جۇمىسقا ورنالاستىرۋ كەزەڭىندە سۇيەمەلدەۋ، جوو-نا جانە وببم-نە وقۋعا تۇسۋگە قولداۋ كورسەتۋ، تالىمگەرلەر مەن جۇمىس بەرۋشىلەرمەن ءوزارا ءىس-قيمىل قاراستىرىلعان.
جوبا الماتى قالاسىنىڭ جاستار ساياساتىن دامىتۋ اياسىنداعى جۇيەلى جۇمىستاردىڭ ءبىر بولىگى بولىپ تابىلادى جانە جاستاردىڭ بارلىق ساناتتارى ءۇشىن تەڭ مۇمكىندىكتەر قالىپتاستىرۋعا باعىتتالعان.
