الماتىنىڭ كاسىپكەرلىك جانە ينۆەستيسيالار باسقارماسى ءىرى كاسىپكەرلىك سۋبەكتىلەرىن قوسپاعاندا، جەكە كاسىپكەرلەر مەن زاڭدى تۇلعالاردان الەۋمەتتىك كاسىپكەرلىك سۋبەكتىلەرىنىڭ تىزىلىمىنە ەنگىزۋ ءۇشىن وتىنىشتەر قابىلداۋ باستالعانىن حابارلايدى.
الەۋمەتتىك كاسىپكەر مارتەبەسى قىزمەتى الەۋمەتتىك ماسەلەلەردى شەشۋگە باعىتتالعان كاسىپكەرلەرگە بەرىلەدى. ولارعا مىنالار جاتادى:
• حالىقتىڭ الەۋمەتتىك وسال ساناتتارىنا جاتاتىن ازاماتتاردى جۇمىسپەن قامتۋ؛
• الەۋمەتتىك وسال ساناتتاعى قىزمەتكەرلەر وندىرگەن ونىمدەردى وتكىزۋ؛
• حالىقتىڭ الەۋمەتتىك وسال توپتارىنا ارنالعان تاۋارلار ءوندىرۋ جانە قىزمەتتەر كورسەتۋ؛
• قوعامعا پايدالى قىزمەتپەن اينالىسۋ؛
• ءبىلىم بەرۋ جانە مادەني-اعارتۋشىلىق قىزمەتتى جۇزەگە اسىرۋ.
الەۋمەتتىك كاسىپكەرلىك سۋبەكتىلەرىنە مەملەكەتتىك قولداۋدىڭ ارنايى شارالارى قاراستىرىلعان. ولاردىڭ قاتارىندا 5 ملن تەڭگەگە دەيىنگى مەملەكەتتىك گرانتتار، ءۇي-جايلاردى جەڭىلدەتىلگەن شارتتارمەن بەرۋ جانە جەڭىلدەتىلگەن نەسيە بەرۋ بار.
قۇجاتتار 2026 جىلى 1 قىركۇيەكتەن 15 قىركۇيەككە دەيىن قابىلدانادى.
ءوتىنىم بەرۋ ورنى: «الماتى قالاسىنىڭ كاسىپكەرلىك جانە ينۆەستيسيالار باسقارماسى» كمم
مەكەنجايى: 050040، الماتى قالاسى، بايزاقوۆ كوشەسى، 303، 3-قابات، 302-كابينەت.
بايلانىس تەلەفونى: +7 775 838 7965
ەلەكتروندىق پوشتا: info@almaty.upp.kz
ايتا كەتەرلىگى، 2026 جىلى 15 قىركۇيەكتەن كەيىن كەلىپ تۇسكەن وتىنىمدەر قاراۋعا قابىلدانبايدى. قۇجاتتار توپتاماسى تولىق ەمەس، مالىمەتتەرى نەمەسە قۇجاتتارى قاتە بولعان جاعدايدا نەمەسە قاعيدالاردا بەلگىلەنگەن نىساندارعا سايكەس كەلمەسە، ۇيىمداستىرۋشى ۇسىنىلعان قۇجاتتاردى كاسىپكەرگە قايتارادى.
كونكۋرستىق قۇجاتتامامەن مىنا سىلتەمە ارقىلى تانىسۋعا بولادى:
https://adilet.zan.kz/rus/docs/V2300033105
