2026 جىلى 23–26 شىلدە ارالىعىندا الماتىدا ءبىلىم بەرۋ، كرەاتيۆتى يندۋستريا، جاساندى ينتەللەكت جانە سيفرلىق تەحنولوگيا سالاسىنىڭ قازاقستان مەن كورەيا رەسپۋبليكاسىنداعى وكىلدەرىن بىرىكتىرەتىن ACT Creative Tech Week 2026 حالىقارالىق فورۋمى وتەدى، - دەپ حابارلايدى alnews.
فورۋمدى وتكىزۋ سەۋل قالاسىندا «ديالوگ» اۋدارماشىلار وداعى» قوعامدىق بىرلەستىگى، Academy of Creative Technologies (ACT) جانە YLAB Academy اراسىندا قول قويىلعان ءوزارا تۇسىنىستىك تۋرالى مەموراندۋمدى ىسكە اسىرۋدىڭ العاشقى پراكتيكالىق قادامى بولدى.
2026 جىلى 4 شىلدەدە سەۋل قالاسىندا «ديالوگ» اۋدارماشىلار وداعى» قوعامدىق بىرلەستىگى، Academy of Creative Technologies (ACT) جانە YLAB Academy ءوزارا تۇسىنىستىك تۋرالى مەموراندۋمعا قول قويدى.
قۇجات ءبىلىم بەرۋ، كرەاتيۆتى يندۋستريا، جاساندى ينتەللەكت جانە سيفرلىق تەحنولوگيا سالالارىنداعى ىنتىماقتاستىقتى دامىتۋدى كوزدەيدى. تاراپتار بىرلەسكەن ءبىلىم بەرۋ باعدارلامالارىن ازىرلەپ، حالىقارالىق ءىس-شارالار وتكىزەدى جانە كاسىبي تاجىريبە الماسادى.
ACT – ALT University بازاسىندا جۇمىس ىستەيتىن، جاساندى ينتەللەكت، اقپاراتتىق تەحنولوگيا جانە كرەاتيۆتى تەحنولوگيا سالالارى بويىنشا ماماندار دايارلايتىن حالىقارالىق ءبىلىم بەرۋ پلاتفورماسى. ال YLAB Academy – ۆەبتۋن يندۋسترياسى مەن زياتكەرلىك مەنشىك (IP) ازىرلەۋ باعىتىنداعى الەمدىك كوشباسشىلاردىڭ ءبىرى سانالاتىن YLAB كومپانياسىنىڭ ءبىلىم بەرۋ بولىمشەسى.
