7 جانە 8 قاراشا الماتىدا اباي وبلىسىنىڭ فەرمەرلەرى مەن تاۋار وندىرۋشىلەرى قاتىساتىن اۋىل شارۋاشىلىعى جارمەڭكەسى وتەدى، - دەپ حابارلايدى alnews.
قالا تۇرعىندارى ازىق-تۇلىك ونىمدەرىنىڭ 20-عا جۋىق ءتۇرىن ورتاشا نارىقتىق باعادان 8–20%-عا تومەن باعامەن ساتىپ الا الادى.
جارمەڭكە شيەۆچەنكو كوشەسىنىڭ پۋشكين جانە قونايەۆ كوشەلەرى اراسىنداعى بولىگىندە ۇيىمداستىرىلادى. وندىرۋشىلەر جالپى 100 توننادان استام ازىق-تۇلىك اكەلەدى.
ساتىلىمعا سيىر، جىلقى جانە قوي ەتى، وسىمدىك مايى، ءسۇت ونىمدەرى، قىمىز، بال، قۇرت، باۋىرساق، كونديتەرلىك ونىمدەر جانە باسقا دا تاۋارلار شىعارىلادى.
ونىمدەر دەلدالداردىڭ قاتىسۋىنسىز، تىكەلەي وندىرۋشىلەردەن ساتىلادى. بۇل تۇرعىندارعا ازىق-تۇلىكتى قولجەتىمدى باعامەن ساتىپ الۋعا، ال اباي وبلىسىنىڭ فەرمەرلەرىنە ءونىم وتكىزۋ نارىعىن كەڭەيتۋگە مۇمكىندىك بەرەدى.
جارمەڭكە الماتىنىڭ ازىق-تۇلىك قاۋىپسىزدىگىن قامتاماسىز ەتۋ جانە قازاقستان وڭىرلەرىنەن اۋىل شارۋاشىلىعى ونىمدەرىن تىكەلەي جەتكىزۋدى دامىتۋ جۇمىستارى اياسىندا وتكىزىلەدى.
