الماتىدا اباي كۇنىنە وراي ادەبي، مادەني جانە اعارتۋشىلىق باعىتتاعى ءبىرقاتار ءىس-شارا ۇيىمداستىرىلادى، - دەپ حابارلايدى alnews.
قالا تۇرعىندارى مەن قوناقتارىن ۇلى اقىن، ويشىل اباي قۇنانباي ۇلىنىڭ مۇراسىنا ارنالعان كونسەرت، پوەزيا وقۋلارى، كىتاپ كورمەسى، ءدارىس، شىعارماشىلىق كەزدەسۋ جانە تاقىرىپتىق جوبالار كۇتەدى.
نەگىزگى ءىس-شارالاردىڭ ءبىرى – «Almaty Summer Fest» جوباسى اياسىندا وتەتىن «اباي الەمى» كونسەرت-سپەكتاكلى. ول 8 تامىز ساعات 18:00-دەن 22:00-گە دەيىن «الاتاۋ» ءداستۇرلى ونەر تەاترىنىڭ الدىنداعى الاڭدا وتەدى. قويىلىمنان كەيىن مەرەكەلىك كونسەرت ۇيىمداستىرىلادى.
باعدارلامادا ماقپال ءجۇنىسوۆا، جانار دۋعالوۆا، 6ellucci، KeshYou، اسحات تارعىن، IL Canto كۆارتەتى، تالعات كۇزەمبايەۆ، ەرلان ءبىلال، نۇرلىبەك ناعمەتوۆ، سەرىك يساحان، نۇرلان بەردىبايەۆ، ءبىرجان دەمە ۇلى، ISATAY ونەر كورسەتەدى. سونداي-اق «الاتاۋ» ءداستۇرلى ونەر تەاترىنىڭ ارتيستەرى، «الاتاۋ» ءانسامبلى جانە مەدەۋ اۋدانىنىڭ شىعارماشىلىق ۇجىمدارى ساحناعا شىعادى.
10 تامىز ساعات 08:30-دا اباي الاڭىندا قالا اكىمدىگى وكىلدەرىنىڭ، قوعام قايراتكەرلەرى مەن زيالى قاۋىم وكىلدەرىنىڭ قاتىسۋىمەن اقىن ەسكەرتكىشىنە گۇل قويۋ ءراسىمى وتەدى.
7 تامىز
10:00، قازاقستان جازۋشىلارى كىتاپحاناسى (11-ش/ا، 37) – «اباي وقۋلارى – 2026» پوەزيا كەشى.
11:00، بەلسەندى ۇزاق ءومىر ءسۇرۋ ورتالىعى – «اباي مۇراسى – ۇلت قازىناسى» پوەزيا كەشى.
11:00، س. مۇقانوۆ پەن ع. مۇسىرەپوۆتىڭ ادەبي-مەموريالدىق مۋزەي كەشەنى (م. تولەبايەۆ كوشەسى، 125) – «بەلگىلى ابايتانۋشى» ءدارىسى.
11:00، مادەنيەت ءۇيى (كەمەل شاعىناۋدانى، ەسىم حان كوشەسى، 127ا) – «اباي – دانا، اباي – دارا قازاقتا» مۋزىكالىق-پوەزيالىق كەشى.
12:00، الماتى مۋزەيى (قابانباي باتىر كوشەسى، 132) – «اباي مۇراسى – ۇلت رۋحانياتىنىڭ تەمىرقازىعى» اتتى كەزدەسۋ.
16:00، الماتى گالەرەياسى (دوستىق داڭعىلى، 44) – «قىلقالاممەن اباي الەمىنە: ۇلى دالانىڭ پەيزاجدارى» شەبەردىڭ ساباعى.
8 تامىز
16:00، ناۋرىزباي اۋدانىنىڭ كوميۋنيتي ورتالىعى (شۇعىلا شاعىناۋدانى، 340ب) – «اباي ولەڭدەرى» اكۋستيكالىق كەشى.
10 تامىز
10:00، №176 مەكتەپ-گيمنازيا كىتاپحاناسى – «دانالىقتىڭ دارا جولى – اباي» مەكتەپ وقۋشىلارى اراسىنداعى مانەرلەپ وقۋ بايقاۋى.
11:00، №24 كىتاپحانا (4-اينابۇلاق شاعىناۋدانى، 174) – «ادامزاتتىڭ الىبى – حاكىم اباي» ادەبي-مۋزىكالىق كەشى.
11:00، №6 كىتاپحانا (تاتار كوشەسى، 32) – «ولمەيتۇعىن ارتىنا ءسوز قالدىرعان» ادەبي-پوەزيالىق كەشى.
11:00، №14 كىتاپحانا (ريمسكيي-كورساكوۆ كوشەسى، 3) – «اباي مۇراسى – ۇلتتىڭ رۋحاني قازىناسى» تانىمدىق ساعاتى.
11:00، №29 كىتاپحانا (وربيتا-4 ش/ا، 10) – «ۇلى دالا ءۇنى – اباي» ادەبي-مۋزىكالىق كەشى.
11:00، مۇحتار اۋەزوۆ اتىنداعى كىتاپحانا (اباي داڭعىلى، 141) – «اباي مۇراسى جانە قازىرگى جاستار: رۋحاني جاڭعىرۋ مەن جاڭا كوزقاراس» تاقىرىبىنداعى دوڭگەلەك ۇستەل.
11:00، Alatau Creative Hub ورتالىعى (نۇركەنت شاعىناۋدانى، 5/11) – «اباي ءسوزى – ۇرپاققا امانات» پوەزيا كەشى.
12:00، ناۋرىزباي اۋدانىنىڭ كوميۋنيتي ورتالىعى (شۇعىلا شاعىناۋدانى، 340ب) – «اباي وقۋلارى» ادەبي كەشى.
14:00، №1 كىتاپحانا (ل. تولستوي كوشەسى، 36) – «اسىل ءسوزدى ىزدەسەڭ، ابايدى وقى، ەرىنبە…» ادەبي پوديۋمى.
14:00، №32 كىتاپحانا (دوستىق داڭعىلى، 42ب) – «اباي» كۇنى. «ابايدى وقى، تانى، ۇلگى ال!» پورترەتتىك كەشى.
14:00، الماتى كىتاپحانالارىنىڭ فيليالى (روزىباكييەۆ كوشەسى، 247/7) – «حاكىم اباي – ۇلت رۋحانياتىنىڭ تەمىرقازىعى» ادەبي-مۋزىكالىق كەشى.
16:00، ەسەنتاي وزەنىنىڭ جاعالاۋى – «جاعالاۋداعى اباي» ينستاللياسيالىق جوباسىنىڭ تانىستىرىلىمى. جوبا قالا تۇرعىندارى مەن قوناقتارىن ۇلى اقىننىڭ شىعارماشىلىعى جانە رۋحاني مۇراسىمەن تانىستىرۋعا باعىتتالعان. ينستاللياسيا اياسىندا ابايدىڭ ناقىل سوزدەرى مەن شىعارمالارىنان ءۇزىندى ۇسىنىلىپ، جاستاردىڭ ۇلتتىق قۇندىلىقتارعا قىزىعۋشىلىعىن ارتتىرۋعا جانە مەرەكەلىك مادەني كەڭىستىك قالىپتاستىرۋعا ىقپال ەتەدى.
سونىمەن قاتار 10 تامىز №6 وقۋشىلار ءۇيىنىڭ اۋماعىندا ۇلى قازاق اقىنى، اعارتۋشىسى ءارى ويشىلى اباي قۇنانباي ۇلىنىڭ شىعارماشىلىعىنا ارنالعان ارت-گالەرەيا ۇيىمداستىرىلادى.
