الماتىدا اباي كۇنىنە وراي ۇلى اقىن، ويشىل ءارى اعارتۋشى اباي قۇنانباي ۇلىنىڭ ەسكەرتكىشىنە گۇل قويۋ ءراسىمى ءوتتى، - دەپ حابارلايدى alnews.
ءىس-شاراعا الماتى قالاسىنىڭ اكىمى دارحان ساتىبالدى، زيالى قاۋىم وكىلدەرى، قالالىق ءماسليحات دەپۋتاتتارى، قوعامدىق كەڭەس مۇشەلەرى، قازاقستان رەسپۋبليكاسى ۇلتتىق عىلىم اكادەمياسى مەن قازاقستان جازۋشىلار وداعىنىڭ وكىلدەرى، مۇحتار اۋەزوۆ اتىنداعى ادەبيەت جانە ونەر ينستيتۋتىنىڭ قىزمەتكەرلەرى، ءبىلىم بەرۋ سالاسىنىڭ وكىلدەرى جانە جاستار قاتىستى.
قاتىسۋشىلار ابايدىڭ رۋحىنا تاعزىم ەتىپ، ەسكەرتكىشىنە گۇل قويدى. ءراسىم سوڭىندا قازاقستاننىڭ حالىق ءارتيسى بولات ءابدىلمانوۆ «ابايدىڭ جۇمباعى» مونولوگىن ورىندادى.
اباي كۇنىنە وراي الماتىدا اقىننىڭ ءومىرى، شىعارماشىلىعى مەن رۋحاني مۇراسىنا ارنالعان مادەني ءىس-شارالار ءوتىپ جاتىر.
وتكەن سەنبىدە «اباي الەمى» مۋزىكالىق-پوەتيكالىق كەشى ءوتتى. 20 مىڭنان استام قالا تۇرعىنى مەن قوناعى قازاقستاننىڭ حالىق ءارتيسى ماقپال ءجۇنىسوۆا جانە IL Canto توبىمەن بىرگە اباي اندەرىن شىرقادى.
بۇگىن دە الماتىنىڭ كىتاپحانالارى مەن مۋزەيلەرىندە، جاستار كوميۋنيتي ورتالىقتارىندا جانە قالانىڭ وزگە دە مادەني الاڭدارىندا تاقىرىپتىق ءىس-شارالار ءوتىپ جاتىر.
