29 قىركۇيەكتە ساعات 19:00-دە اباي اتىنداعى قازاق ۇلتتىق وپەرا جانە بالەت تەاترى الدىنداعى الاڭدا الماتى قالاسىنىڭ كۇنىنە جانە تەاتردىڭ جاڭا ماۋسىمىنىڭ اشىلۋىنا وراي «مۇرا» اتتى اۋقىمدى open-air گالا-كونسەرتى وتەدى، - دەپ حابارلايدى alnews.
ءىس-شارا الماتى قالاسى اكىمدىگىنىڭ جانە «Halyk» قايىرىمدىلىق قورىنىڭ قولداۋىمەن ۇيىمداستىرىلادى.
كونسەرت باعدارلاماسىنا وپەرا، بالەت، سيمفونيالىق مۋزىكا، حور ونەرى، دجاز، ەتنو جانە زاماناۋي مۋزىكالىق باعىتتاردى بىرىكتىرەتىن 30 بىرەگەي ءنومىر ەنەدى. كەش بارىسىندا كلاسسيكالىق جانە ۇلتتىق ونەردىڭ باي مۇراسى زاماناۋي ساحنالىق بەزەندىرۋ جانە مۋلتيمەديالىق شەشىمدەر ارقىلى ۇسىنىلادى.
كونسەرتتىڭ ۆيزۋالدى باعدارلاماسىندا 500-دەن استام ەكسكليۋزيۆتى ساحنالىق كوستيۋم، تەاتر عيماراتىنىڭ قاسبەتىنە تۇسىرىلەتىن اۋقىمدى 3D-پروەكسيالار، لازەرلىك ينستاللياسيالار، سونداي-اق پيروتەحنيكالىق جانە وتتى شوۋ ەلەمەنتتەرى پايدالانىلادى.
ءىس-شارا اياسىندا «تازا قازاقستان» ۇلتتىق ەكولوگيالىق باستاماسىنا دا ەرەكشە نازار اۋدارىلادى. كونسەرتتىڭ ساحنالىق بەزەندىرىلۋىنە پايدالانىلعان ءتىرى اعاشتار مەن وسىمدىكتەر ءىس-شارا اياقتالعاننان كەيىن الماتىنىڭ كوگالداندىرۋدى قاجەت ەتەتىن شاعىناۋداندارىنىڭ بىرىنە، سونداي-اق تەاتر اۋماعىنا ەگىلەدى.
كەش قوناقتارىن ساعات 18:00-دەن باستاپ dj_dobsun قارسى الادى.
كۇنى: 29 قىركۇيەك 2026 جىل
باستالۋى: 19:00
وتەتىن ورنى: اباي اتىنداعى قازاق ۇلتتىق وپەرا جانە بالەت تەاترى الدىنداعى الاڭ
مەكەنجايى: الماتى قالاسى، قابانباي باتىر كوشەسى، 110
ءىس-شارانىڭ وتۋىنە بايلانىستى 29 قىركۇيەك كۇنى ساعات 18:00-دەن 23:00-گە دەيىن قابانباي باتىر كوشەسىنىڭ ابىلاي حان كوشەسى مەن نازاربايەۆ داڭعىلى ارالىعىنداعى بولىگى اۆتوكولىك قوزعالىسى ءۇشىن جابىلادى.
قالا تۇرعىندارى مەن قوناقتارىن اتالعان ۋاقىت ارالىعىندا ءجۇرۋ باعىتىن الدىن الا جوسپارلاپ، مۇمكىندىگىنشە بالاما باعىتتاردى پايدالانۋعا شاقىرامىز.
ب ا ق وكىلدەرىنە ارنالعان بايلانىس نومىرلەرى:
ەكاتەرينا چەنسوۆا — +7 701 393 39 83
اقەركە قاسىمبەك قىزى — +7 702 283 03 02
فاتيما توحتاۋحان قىزى — +7 708 502 40 23
