«الماتى» اكك» اق-نىڭ ەنشىلەس ۇيىمى «Almaty Finance» ج ش س جاڭا ستۋدەنتتەر جاتاقحاناسىنىڭ قۇرىلىسىن سالۋ ءۇشىن «BAZA 271» جشس-نە جەڭىلدەتىلگەن قارجىلاندىرۋ ۇسىندى، - دەپ حابارلايدى alnews.
جوبانى جۇزەگە اسىرۋعا «Almaty Business – 2025» باعدارلاماسى اياسىندا جىلدىق 6% مولشەرلەمەمەن، 7 جىل مەرزىمگە 500 ملن تەڭگە ءبولىندى.
جوبا الماتىنىڭ ءبىلىم بەرۋ ينفراقۇرىلىمىن دامىتۋعا، ستۋدەنتتەردى زاماناۋي ءارى جايلى تۇرعىن ۇيمەن قامتاماسىز ەتۋگە جانە ستۋدەنتتىك جاتاقحانالارداعى ورىن تاپشىلىعىن ازايتۋعا باعىتتالعان.
جالپى اۋدانى 3 537،2 شارشى مەتر بولاتىن جاڭا جاتاقحانا 400 ورىنعا ەسەپتەلگەن. عيمارات ءتورت قاباتتان جانە جەرتولە قاباتىنان تۇرادى. مۇندا الماتىداعى جوعارى وقۋ ورىندارىنىڭ ستۋدەنتتەرى تۇرا الادى.
جوبانىڭ جالپى قۇنى 750 ملن تەڭگە. ونىڭ ىشىندە 250 ملن تەڭگە – ينۆەستوردىڭ ءوز قاراجاتى، ال 500 ملن تەڭگە – «Almaty Finance» ج ش س ۇسىنعان قارىز قاراجاتى. سونىمەن قاتار جوبا قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ «قارجى ورتالىعى» اق ارقىلى مەملەكەتتىك سۋبسيديالاۋ تەتىگىمەن جۇزەگە اسىرىلادى. سۋبسيديا مولشەرى – جاتاقحانادا تۇراتىن ءاربىر ستۋدەنتكە 230 اەك.
جاتاقحانادا تۇرۋدىڭ جوسپارلانعان قۇنى – ءبىر ستۋدەنتكە ايىنا 45 مىڭ تەڭگە.
«جاڭا جاتاقحانانىڭ قۇرىلىسى ستۋدەنتتەردى زاماناۋي ءارى جايلى تۇرمىس جاعدايىمەن قامتاماسىز ەتۋگە جانە قالانىڭ قولدانىستاعى ينفراقۇرىلىمىنا تۇسەتىن جۇكتەمەنى ازايتۋعا مۇمكىندىك بەرەدى. قۇرىلىستى 2026 جىلى قاراشا ايىندا اياقتاۋ جوسپارلانىپ وتىر. سونىمەن قاتار جوبا اياسىندا 11 جاڭا جۇمىس ورنى اشىلادى»، – دەدى «Almaty Finance» ج ش س باسقارما ءتوراعاسىنىڭ ورىنباسارى ەميل وسپانوۆ.
