27 قىركۇيەكتە الماتىدا Almaty Marathon 2026 وتۋىنە بايلانىستى قوعامدىق كولىكتىڭ قوزعالىس سىزباسى ۋاقىتشا وزگەرەدى، - دەپ حابارلايدى alnews.
وزگەرىستەر ساعات 04:30-دان باستاپ كۇشىنە ەنىپ، سپورتتىق ءىس-شارا اياقتالعانعا دەيىن جالعاسادى. بۇل تۋرالى قالالىق جول قوزعالىسىن ۇيىمداستىرۋ جانە جولاۋشىلار كولىگى باسقارماسىنىڭ وكىلدەرى حابارلادى.
وزگەرىستەر مارافون باعىتىنا كىرەتىن جول ۋچاسكەلەرىندە اۆتوكولىك قوزعالىسىنىڭ تولىق جابىلۋىنا بايلانىستى ەنگىزىلەدى. شەكتەۋلەر كەزىندە №2، 3، 4، 5، 5ا، 5ب، 12، 18، 19، 21، 22، 25، 29، 29ر، 30، 31، 32، 34، 37، 38، 38ا، 44، 45، 48، 55، 56، 57، 59، 62، 63، 63ا، 65، 66، 70، 72، 77، 79، 80، 81، 85، 86، 87، 90، 92، 95، 98، 99، 101، 103، 104، 106، 107، 109، 112، 113، 116، 118، 119، 120، 120ا، 121، 123، 124، 127، 128، 130، 132، 135، 137، 140، 141، 145، 205، 209، 210، 211، 218 جانە 224 اۆتوبۋس باعىتتارىنىڭ قوزعالىس سىزباسى وزگەرتىلەدى. ولار ءۇشىن ۋاقىتشا اينالىپ ءوتۋ سىزبالارى قاراستىرىلعان.
سونىمەن قاتار، مارافون اياقتالعانعا دەيىن №1، 5، 6، 7، 9، 11، 12، 19 جانە 25 تروللەيبۋس باعىتتارىنىڭ قوزعالىسى ۋاقىتشا توقتاتىلادى.
ءىس-شارا اياقتالىپ، شەكتەۋ الىنىپ تاستالعاننان كەيىن قوعامدىق كولىك قالىپتى قوزعالىس سىزباسىنا قايتا ورالادى.
الماتى تۇرعىندارى مەن قالا قوناقتارىنان ۋاقىتشا وزگەرىستەردى ەسكەرىپ، باعىتىن الدىن الا جوسپارلاۋ سۇرالادى.
