الماتىدا حالىقتى جۇمىسپەن قامتۋعا باعىتتالعان شارالار جالعاسىپ كەلەدى، - دەپ حابارلايدى alnews.
بيىلعى جىلدىڭ ەكىنشى توقسانىنىڭ قورىتىندىسى بويىنشا قالاداعى جۇمىس كۇشى 1 ملن 217،5 مىڭ ادامعا جەتتى. بۇل وتكەن جىلدىڭ وسى كەزەڭىمەن سالىستىرعاندا 43 مىڭ ادامعا كوپ. بۇل تۋرالى الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ وكىلدەرى ايتتى.
جۇمىسپەن قامتىلعان حالىق سانى 1 ملن 164 مىڭ ادامعا جەتتى. بۇل ءبىر جىل بۇرىنعى كورسەتكىشتەن 41،7 مىڭ ادامعا كوپ. الماتىداعى جۇمىسسىزدىق دەڭگەيى 4،4% بولىپ، رەسپۋبليكالىق كورسەتكىشتەن تومەن دەڭگەيدە ساقتالدى.
جىل باسىنان بەرى ەڭبەك موبيلدىلىگى ورتالىعىنا 54 044 ادام جۇگىنگەن. ونىڭ 43 942ء-سى جۇمىسسىز رەتىندە تىركەلدى. جالپى 42 766 ادام جۇمىسپەن قامتۋعا جاردەمدەسۋ شارالارىنا قاتىستى.
ونىڭ ىشىندە 8 755 الماتىلىق تۇراقتى جۇمىسقا ورنالاستى. سونىمەن قاتار 5 613 ادام سۋبسيديالاناتىن جۇمىس ورىندارىنا جولداما الدى. اتاپ ايتقاندا، 4 150 ادام قوعامدىق جۇمىستارعا، 614 ادام «كۇمىس جاس» جوباسىنا، 362 ادام «التىن جاس» جوباسىنا قاتىستى. تاعى 305 ادام الەۋمەتتىك جۇمىس ورىندارىنا ورنالاسسا، 182 ادام جاستار پراكتيكاسىنا جىبەرىلدى.
كاسىپتىك وقىتۋ مەن بىلىكتىلىكتى ارتتىرۋعا ەرەكشە نازار اۋدارىلىپ وتىر. بيىل 538 ادام كاسىپتىك وقۋدان ءوتتى، ونىڭ 451ء-ى جۇمىس ورنىندا ءبىلىم الدى. «باستاۋ بيزنەس» جوباسى اياسىندا 1 538 ادام وقۋدان وتسە، تاعى 2 215 ادام enbek.kz پلاتفورماسى ارقىلى جاڭا داعدىلاردى مەڭگەردى. كاسىپتىك باعدار بەرۋ شارالارىمەن 23 922 ادام قامتىلدى.
كاسىپ باستاۋعا نيەتتى ازاماتتارعا دا قولداۋ كورسەتىلەدى. بيىل 400 اەك، ياعني 1،73 ملن تەڭگەگە دەيىنگى قايتارىمسىز گرانت 165 ادامعا بەرىلدى. گرانتتاردىڭ جالپى سوماسى 285،1 ملن تەڭگە.
2026 جىلى الماتىدا 51 270 جۇمىس ورنىن قۇرۋ جوسپارلانعان، ونىڭ 45 399-ى تۇراقتى جۇمىس ورنى. 1 قىركۇيەكتەگى جاعداي بويىنشا قالادا 53 026 جۇمىس ورنى قۇرىلدى. بۇل جىلدىق جوسپاردىڭ 103،4%-ى بولادى. ونىڭ ىشىندە 47 441ء-ى – تۇراقتى جۇمىس ورنى، بۇل جوسپارلانعان كورسەتكىشتىڭ 104،5%-ىنا تەڭ. سونىڭ ىشىندە 8 775 ادام بوس جۇمىس ورىندارىنا ورنالاستىرىلدى.
