الماتىدا تەلەكوممۋنيكاسيالىق ينفراقۇرىلىمدى جاڭعىرتۋ جانە XGSPON جوعارى جىلدامدىقتى ينتەرنەت تەحنولوگياسىن ەنگىزۋ جالعاسىپ جاتىر. بۇل تۋرالى قالالىق سيفرلاندىرۋ باسقارماسىنىڭ وكىلدەرى حابارلادى.
اتالعان تەحنولوگيا دەرەكتەردى 10 گبيت/س-قا دەيىنگى جىلدامدىقپەن تاراتۋعا مۇمكىندىك بەرەدى. الماتى XGSPON تەحنولوگياسىن Wi-Fi 6 جۇيەسىمەن بىرگە ەنگىزگەن قازاقستانداعى العاشقى قالا اتاندى.
قازىرگى ۋاقىتتا جاڭا ينفراقۇرىلىمعا تۇركسىب اۋدانىنداعى 80 تۇرعىن ءۇي، سونداي-اق ناۋرىزباي جانە اۋەزوۆ اۋداندارىنداعى 700-دەن استام تۇرعىن ءۇي قوسىلعان.
2026 جىلى جوعارى جىلدامدىقتى ينتەرنەتكە 10 مىڭ كوپقاباتتى تۇرعىن ءۇيدى قوسۋ، كىرەبەرىستەرگە 40 مىڭ بەينەكامەرا ورناتۋ جانە 10 مىڭ پاتەرگە الەۋمەتتىك تاريف ۇسىنۋ جوسپارلانىپ وتىر.
شاھاردا 1 مىڭنان استام قوعامدىق Wi-Fi نۇكتەسى جۇمىس ىستەيدى. قالا بويىنشا 900-دەن استام 5G بازالىق ستانسيا ورناتىلعان. 11 مەترو بەكەتىنىڭ بارلىعى جاڭا بۋىن ءموبيلدى بايلانىسپەن قامتىلعان.
الماتىدا 10 مىڭ كوپقاباتتى تۇرعىن ءۇي جوعارى جىلدامدىقتى ينتەرنەتكە قوسىلادى
سوڭعى جاڭالىقتار:
الماتىدا كوشكىن ءقاۋپى جوعارى توعىز ۋچاسكە نىعايتىلدى
24 شىلدە 2026
