الماتىدا الەۋمەتتىك ماڭىزى بار ازىق-تۇلىك تاۋارلارىنىڭ، ونىڭ ىشىندە كوكونىس ونىمدەرىنىڭ باعاسىن تۇراقتاندىرۋعا باعىتتالعان كەشەندى شارالار جۇزەگە اسىرىلىپ جاتىر، - دەپ حابارلايدى alnews.
وسى ماقساتتا «الماتى» اكك» اق مەن Magnum Cash&Carry ساۋدا جەلىسى اراسىندا جاسالعان تۇراقتاندىرۋ تۋرالى كەلىسىم اياسىندا 2026 جىلعى 1 قىركۇيەكتەن باستاپ قالادا كوكونىستەر بەلگىلەنگەن باعامەن ساتىلىپ جاتىر.
بۇل مەحانيزم 2027 جىلى 30 ساۋىرگە دەيىن قولدانىلادى. وسى كەزەڭدە Magnum Cash&Carry جەلىسى ارقىلى 9 920 توننا كوكونىس ءونىمىن ساتۋ جوسپارلانعان. ونىڭ ىشىندە 4 960 توننا كارتوپ، 1 760 توننا ءسابىز، 2 000 توننا پياز جانە 1 200 توننا قىرىققابات بار.
قازىرگى تاڭدا كوكونىستەردىڭ ءبىر كيلوگرامىنا بەلگىلەنگەن شەكتى باعا مىناداي: كارتوپ – 214 تەڭگە، ءسابىز – 208 تەڭگە، پياز – 139 تەڭگە، قىرىققابات – 118 تەڭگە. شەكتى باعالار ەكى اپتا سايىن قايتا قارالادى.
كوكونىس ونىمدەرىن الماتى قالاسىنداعى Magnum جەلىسىنىڭ دۇكەندەرىنەن ساتىپ الۋعا بولادى.
كوكونىستەردى تۇراقتاندىرىلعان باعامەن ساتۋ قالا تۇرعىندارى ءۇشىن الەۋمەتتىك ماڭىزى بار ازىق-تۇلىك ونىمدەرىنىڭ قولجەتىمدىلىگىن قامتاماسىز ەتۋگە جانە ماۋسىمارالىق كەزەڭدە باعانىڭ ءوسۋىن تەجەۋگە باعىتتالعان.
