23 قازاندا ساعات 10:00-دە Almaty Hub الاڭىندا سيفرلىق گيگيەنا، كيبەرقاۋىپسىزدىك جانە دەربەس دەرەكتەردى قورعاۋ ماسەلەسىنە ارنالعان كەزدەسۋ وتەدى، - دەپ حابارلايدى alnews.
ءىس-شارانى Almaty Hub پەن الماتى قالاسىنىڭ اكىمدىگى ۇيىمداستىرادى.
قالالىق سيفرلاندىرۋ باسقارماسىنىڭ مالىمەتىنشە، كەزدەسۋگە قاتىسۋشىلارعا قازىرگى سيفرلىق قاۋىپ-قاتەرلەر، جەكە اقپاراتتى قورعاۋ جولدارى جانە ينتەرنەتتەگى قاۋىپسىزدىك ەرەجەلەرى تۋرالى ايتىلادى. سونداي-اق، ساراپشىلار سيفرلىق سەرۆيستەردى ءقاۋىپسىز پايدالانۋ بويىنشا تاجىريبەلىك كەڭەس بەرەدى.
كەزدەسۋدە Red Team جوباسىنىڭ مەنەدجەرى ايدىن قوجامياروۆ، Kaspersky كومپانياسىنىڭ قازاقستان، ورتالىق ازيا جانە موڭعوليا ەلدەرىندەگى مەملەكەتتىك ورگاندارمەن جۇمىس جونىندەگى جەتەكشىسى اسەت قاسىم ۇلى وردابايەۆ جانە MSSP.GLOBAL كومپانياسىنىڭ Citizensec.kz جوباسىنىڭ جەتەكشىسى گۇلدانا جۇماتاي سپيكەر رەتىندە ءسوز سويلەيدى.
ءىس-شاراعا قاتىسۋ ءۇشىن الدىن الا تىركەلۋ قاجەت: https://dearly-homelike-bagpipe.tilda.ws
