جازدىڭ ەڭ جارقىن مادەني جوبالارىنىڭ ءبىرى Almaty Summer Fest اياسىندا التىنشى open-air كونسەرتى ءساتتى ءوتتى، - دەپ حابارلايدى alnews.
الماتى قالاسى اكىمدىگىنىڭ قولداۋىمەن ۇيىمداستىرىلىپ جاتقان مۋزىكالىق كەشتەر قالا تۇرعىندارى مەن قوناقتارىنا كوتەرىڭكى كوڭىل كۇي سىيلاپ، جازعى دەمالىستىڭ ءسانىن كەلتىرىپ وتىر.
جوبا باستالعالى بەرى وتكەن التى كونسەرتكە 60 مىڭنان استام كورەرمەن قاتىستى. اشىق اسپان استىنداعى ساحنادا Kalifarniya، Qanay، بۇركىت پەن ايشا، جانبولات پەن جازيرا، ەلنۇر ناۋرىزبەك، عالامات بەيسەقوجا، ەرنار جۇماتايەۆ، Aksunkar، جۇما ءابىل، ازامات تورەحان، ەرداۋلەت مۇرات ۇلى، Nurislam، JVSMIN، Dana Turar، Baymaman جانە DJ Akhmetoff ونەر كورسەتتى.
كونسەرت «الاتاۋ» ءداستۇرلى ونەر تەاترى الاڭىندا ءوتىپ ءجۇر. بۇل ورىن بۇگىندە الاتاۋ اۋدانىنىڭ تۇرعىندارى مەن قالا قوناقتارىن توعىستىراتىن ماڭىزدى مادەني ورتالىققا اينالىپ كەلەدى.
Almaty Summer Fest جوباسىنىڭ باستى ماقساتى – قالا تۇرعىندارى مەن تۋريستەرگە قولجەتىمدى ءارى ساپالى مادەني دەمالىس ۇسىنۋ، قازاقستاندىق ونەرپازداردى قولداۋ جانە الماتىنىڭ مادەني ومىرىنە تىڭ سەرپىن بەرۋ. اشىق اسپان استىنداعى كونسەرتتەر ءتۇرلى جاستاعى كورەرمەندەردىڭ قىزىعۋشىلىعىن ارتتىرىپ، شاھاردىڭ جازعى مادەني باعدارلاماسىنىڭ ايتۋلى داستۇرىنە اينالىپ كەلەدى.
جاز بويى تانىمال قازاقستاندىق ەسترادا جۇلدىزدارى قاتىساتىن كونسەرت ءار سەنبى سايىن جالعاسادى. الماتىلىقتار مەن قالا قوناقتارى الدا ءالى تالاي اسەرلى ءارى اۋەزدى كونسەرتكە كۋا بولادى.
