25 قازان – رەسپۋبليكا كۇنى قارساڭىندا الماتىداعى قازاق ۇلتتىق قىزدار پەداگوگيكالىق ۋنيۆەرسيتەتىنىڭ (QyzPU) ستۋدەنتتەرى «مەنىڭ قازاقستانىم!» اكسياسىن باستادى، - دەپ حابارلايدى alnews.
قاتىسۋشىلار بىرىگىپ «اتامەكەن» ءانىن ورىنداپ، ەستافەتانى قازاقستاننىڭ وزگە جوعارى وقۋ ورىندارىنا جولدادى.
ءىس-شارا «رەسپۋبليكا جانە كونستيتۋسيا: جاۋاپتى ازامات – قۋاتتى مەملەكەت» اتتى زياتكەرلىك-اعارتۋشىلىق اپتالىق اياسىندا ءوتتى. باستامانىڭ ماقساتى – ەلىمىزدىڭ ءار وڭىرىندەگى جاستاردى رەسپۋبليكا كۇنىن مەرەكەلەۋگە تارتۋ.
«بۇل ەلىمىزدىڭ تاۋەلسىزدىگى مەن بىرلىگىن، ۇلتتىق رۋحىن دارىپتەيتىن ەرەكشە مەرەكە. تاۋەلسىز قازاقستان وركەندەپ، بولاشاعى جارقىن بولسىن!» – دەدى ۋنيۆەرسيتەت ستۋدەنتتەرى.
ەستافەتانى جالعاستىرۋ ALT University مەن م. اۋەزوۆ اتىنداعى وڭتۇستىك قازاقستان زەرتتەۋ ۋنيۆەرسيتەتىنىڭ ستۋدەنتتەرىنە ۇسىنىلدى. ولار اكسياعا قوسىلىپ، باستامانى وزگە جوعارى وقۋ ورىندارىنا جولداي الادى.
ۇيىمداستىرۋشىلاردىڭ پىكىرىنشە، بۇل باستاما ەلىمىزدىڭ ءار قالاسىنداعى ستۋدەنتتەردىڭ ءبىر ارناعا توعىسىپ، رەسپۋبليكا كۇنىن بىرگە اتاپ وتۋىنە جول اشادى.
