الماتى قۋىرشاق تەاترى قازاندا وتكەن حالىقارالىق فەستيۆالدىڭ باس جۇلدەسىن جەڭىپ الدى

2026 جىلدىڭ العاشقى جارتىجىلدىعىندا مەملەكەتتىك اكادەميالىق قۋىرشاق تەاترى حالىقارالىق تەاتر فەستيۆالدەرىندە قازاقستاننىڭ اتىنان ءساتتى ونەر كورسەتتى. بۇل تۋرالى قالالىق مادەنيەت باسقارماسىنىڭ وكىلدەرى ايتتى.
 
تەاتردىڭ باستى جەتىستىگى قازان قالاسىندا وتكەن «شومباي-fest – 2026» حالىقارالىق قۋىرشاق تەاترلارى فەستيۆالىندە گران-پري جۇلدەسىن جەڭىپ الۋى بولدى. «ورتەكە» سپەكتاكلى ەڭ جوعارى ماراپاتقا لايىق دەپ تانىلدى.
 
سونىمەن قاتار، تەاتر رۋمىنياداعى حالىقارالىق شەكسپير فەستيۆالىنە قاتىسىپ، 2027 جىلى وتەتىن تاعى ءبىر بەدەلدى حالىقارالىق تەاتر فورۋمىنا شاقىرتۋ الدى. سونداي-اق تەاتر «BIKEN FEST» فەستيۆالىنىڭ قاتىسۋشىسى اتانىپ، 2027 جىلى تۇركسوي ۇيىمى ۇيىمداستىراتىن حالىقارالىق فەستيۆالگە قاتىسۋعا شاقىرتۋعا يە بولدى.