الماتى قالاسىندا بالالار ءۇيىنىڭ تاربيەلەنۋشىلەرى اراسىندا «جانۇيا» مامانداندىرىلعان كەشەنىءنىڭ نەگىزىندە سپورتتىق سپارتاكيادا ۇيىمداستىرىلدى. الماتى قالاسىنىڭ جاستار ساياساتى باسقارماسىنىڭ قولداۋىمەن، شارا الماتى قالاسى ۆولونتەرلەرىءنىڭ ۇيىمداستىرۋىمەن، «الەۋمەتتىك شەبەرحانا» جوباسى اياسىندا وتكىزىلدى.
سپارتاكياداعا 100-دەن استام بالا مەن ءجاسوسپىرىم قاتىستى. سايىستار فۋتبول،باسكەتبول، شاحمات، ۇستەل تەننيسى، توعىزقۇمالاق سپورت تۇرلەرى بويىنشا ءوتتى. ءىس-شارانىڭ باستى ماقساتى – بالالاردىڭ سپورتتىق قابىلەتتەرىن دامىتۋ، كوماندالىق رۋحتى نىعايتۋ، سونداي-اق ولاردىڭ بەلسەندى ءارى سەنىمدى ورتادا ءوزىن ەركىن سەزىنۋىنە مۇمكىندىك بەرۋ.
«الەۋمەتتىك شەبەرحانا» جوباسى اياسىندا جوباسى اياسىندا تاربيەشىلەر ءۇشىن ءتۇرلى شەبەرلىك ساباقتار، ويىن فورماتىنداعى ساباقتار، جەكە دامۋ ترەنينگتەرى مەن مادەني-الەۋمەتتىك كەزدەسۋلەر ۇيىمداستىرىلۋدا.ولاردىڭ نەگىزگى ماقساتى – جاسوسپىرىمدەردىڭ شىعارماشىلىق، سپورتتىق جانە قوعامدىق بەلسەندىلىگىن ارتتىرۋ، جەكە قابىلەتتەرىن دامىتۋ جانە قوعاممەن ەتەنە بايلانىسىن كۇشەيتۋ.
ۇيىمداستىرۋشىلاردىڭ ايتۋىنشا، مۇنداي جوبالار بالالار ءۇيىنىڭ تاربيەلەنۋشىلەرىن الەۋمەتتەندىرۋ، ءوزىن-وزى باعالاۋ دەڭگەيىن كوتەرۋ جانە ولاردىڭ قوعاممەن بايلانىسىن كەڭەيتۋگە باعىتتالعان:
«ءبىز ءۇشىن جاي عانا ءىس-شارا وتكىزۋ ەمەس، بالالار وزدەرىن قامقورلىق پەن نازاردا ەكەنىن سەزىنەتىن ورتا قالىپتاستىرۋ ماڭىزدى. سپورت – تارتىپكە، سىيلاستىققا جانە ماقساتقا جەتۋگە ۇيرەتەدى. الماتى ۆولونتەرلەرى رەتىندە، ءبىز بالالار ۇيلەرى مەن الەۋمەتتىك مەكەمەلەر تاربيەلەنۋشىلەرى ءۇشىن تۇراقتى تۇردە شىعارماشىلىق، ءبىلىم بەرۋ جانە دامۋ باعىتىنداعى ءىس-شارالاردى وتكىزىپ تۇرۋعا تىرىسامىز. سەبەبى، ءار بالا ماڭىزدى، ءار بالاعا سەنىم قاجەت»، – دەيدى جوبانىڭ ۇيلەستىرۋشىءسى قۇدايبەرگەن ءشامشى.
ايتا كەتەيىك، «الەۋمەتتىك شەبەرحانا» جوباسى بىرنەشە جىلدان بەرى ۆولونتەرلەردى، پەداگوگتاردى، پسيحولوگتاردى جانە تالىمگەرلەردى بىرىكتىرىپ كەلەدى.
