اباي اتىنداعى قازاق ۇلتتىق وپەرا جانە بالەت تەاترىندا 5-6 قىركۇيەكتە Almaty Pop Up Store وتەدى، - دەپ حابارلايدى alnews.
بۇل قازاقستاننىڭ ءار قالاسىنان 50-دەن استام ديزاينەر مەن كاسىپكەردى بىرىكتىرەتىن جەرگىلىكتى برەندتەر فەستيۆالى.
ءبىر الاڭدا كيىم مەن اكسەسسۋارلار، اشەكەي بۇيىمدار، ينتەرەر زاتتارى، كوسمەتيكا، ۇيگە ارنالعان تاۋار جانە اۆتورلىق جوبالار ۇسىنىلادى. باعدارلامادا سونداي-اق گاسترونوميالىق ايماق، سەرىكتەستەردىڭ ارنايى جوبالارى جانە مۋزىكالىق قويىلىمدار بار.
ەكى كۇن بويى ساحنادا Lelya، Adina Topash، Kezeñ، Kyle Ruh، menrasaitam جانە Erlan.smp ونەر كورسەتەدى.
فەستيۆال ءسان، ديزاين، قولونەر جانە كرەاتيۆتى يندۋستريانىڭ وزگە دە باعىت وكىلدەرىن بىرىكتىرىپ، زاماناۋي قازاقستاندىق برەندتەرمەن جانە ولاردىڭ اۆتورىمەن تانىسۋعا مۇمكىندىك بەرەدى.
Almaty Pop Up Store ساعات 12:00-دەن 20:00-گە دەيىن جۇمىس ىستەيدى. كىرۋ تەگىن.
