الماتى قالاسى سپورت باسقارماسىنىڭ باستاماسىمەن بۇقارالىق سپورتتى، سالاۋاتتى ءومىر سالتىن جانە وتباسىلىق دەمالىستى ناسيحاتتاۋعا باعىتتالعان ALMATY MOVE جاڭا قالالىق جوباسى باستالدى. بۇل تۋرالى الماتى قالاسى سپورت باسقارماسىنىڭ وكىلدەرى حابارلادى.
الماتىنىڭ بارلىق سەگىز اۋدانىن قامتيتىن جوبا ماۋسىمنان قىركۇيەككە دەيىن ءار دەمالىس سايىن وتكىزىلەدى.
27 ماۋسىم كۇنى جوبا اياسىنداعى العاشقى ءىس-شارالار تۇركسىب جانە جەتىسۋ اۋداندارىندا ءوتتى. تۇرعىندارعا ارنالعان Kids Lab وتباسىلىق سپورت فەستيۆالى اياسىندا بالالار ەستافەتالارى، ۋاقىتپەن ەسەپتەلەتىن شاعىن جارىستار، قيمىلدى ويىندار، تانىمدىق بەلسەندىلىكتەر، اكۆاگريم الاڭى مەن انيماسيالىق كەيىپكەرلەرمەن فوتوسەسسيا ۇيىمداستىرىلدى. جوبا جۇزدەگەن وتباسى قاتىسىپ، دەمالىس كۇنىن سپورتپەن ءارى كوتەرىڭكى كوڭىل كۇيدە وتكىزدى.
ءار ايدا قاتىسۋشىلارعا جاڭا تاقىرىپتاعى باعدارلاما ۇسىنىلادى. شىلدە ايىندا يوگا، سترەچينگ جانە تىنىس الۋ جاتتىعۋلارى وتسە، تامىزدا جاتتىقتىرۋشىلارمەن بىرگە كەشكى جۇگىرۋلەر مەن جۇگىرۋ مادەنيەتىنە ارنالعان اشىق دارىستەر ۇيىمداستىرىلادى. ال قىركۇيەكتە ەكولوگيالىق پلوگگينگ-جۇگىرۋلەر، شەبەردىڭ دارىستەرى جانە قورشاعان ورتاعا ۇقىپتى قاراۋ مادەنيەتىن قالىپتاستىرۋعا باعىتتالعان وزگە دە ءىس-شارالار وتكىزىلەدى.
ALMATY MOVE جوباسىنىڭ باستى ماقساتى – سپورتتى ءاربىر تۇرعىن ءۇشىن قولجەتىمدى ەتۋ، قالا اۋداندارىندا جاڭا قوعامدىق بەلسەندىلىك ورتاسىن قالىپتاستىرۋ جانە وتباسىلاردىڭ دەمالىس كۇندەرىن بەلسەندى ءارى پايدالى وتكىزۋ ءداستۇرىن نىعايتۋ.
