31 شىلدەدەن باستاپ الماتى مەن يزمير قالاسى اراسىندا تىكەلەي اۋە رەيسى ىسكە قوسىلادى، - دەپ حابارلايدى alnews.
SunExpress اۋە كومپانياسى اشقان جاڭا باعىت قازاقستان مەن تۇركيا اراسىنداعى تۋريستىك، ىسكەرلىك جانە مادەني بايلانىستى ودان ءارى نىعايتىپ، قالانىڭ حالىقارالىق اۋە جەلىسىن كەڭەيتەدى.
يزمير – تۇركيانىڭ ءىرى تۋريستىك جانە ەكونوميكالىق ورتالىقتارىنىڭ ءبىرى، سونداي-اق ەگەي تەڭىزى جاعالاۋىنىڭ باستى اۋە قاقپاسى. جاڭا رەيس ەكى قالا اراسىنداعى قاتىناستى جەڭىلدەتىپ، تۋريستەر لەگىنىڭ ارتۋىنا ىقپال ەتەدى.
رەيستەر 2026 جىلدىڭ قازان ايىنىڭ سوڭىنا دەيىن اپتاسىنا ەكى رەت – سەيسەنبى جانە جۇما كۇندەرى Boeing 737-800 ۇشاعىمەن ورىندالادى. ۇشاق يزميردەن ساعات 21:00-دە ۇشىپ، كەلەسى كۇنى 05:00-دە الماتىعا قونادى. كەرى باعىتتاعى رەيستەر سارسەنبى جانە سەنبى كۇندەرى جۇزەگە اسىرىلادى: الماتىدان ۇشۋ – 06:25، يزميرگە كەلۋ – 09:50.
حالىقارالىق اۋە باعىتتارىن كوبەيتۋ الماتىنىڭ تۋريستىك الەۋەتىن ارتتىرۋداعى باسىم باعىتتاردىڭ ءبىرى. جاڭا رەيس قالانىڭ كولىك قولجەتىمدىلىگىن جاقسارتىپ قانا قويماي، الماتىنىڭ ورتالىق ازياداعى جەتەكشى تۋريستىك ءارى اۆياسيالىق حاب رەتىندەگى مارتەبەسىن ودان ءارى نىعايتا تۇسەدى.
