الماتىدا ەكى قالانىڭ تۋريزم سالاسى مەن بيزنەس وكىلدەرىن بىرىكتىرگەن «پۋسان كۇنى» ءوتتى، - دەپ حابارلايدى alnews.
ءىس-شاراعا 100-گە جۋىق ادام قاتىستى. قاتىسۋشىلار پۋساننىڭ تۋريستىك الەۋەتىمەن، مادەنيەتىمەن، سونداي-اق تۋريزم، كوسمەتيكا جانە كادەسىي ونىمدەرى سالاسىندا جۇمىس ىستەيتىن كورەي كومپانيالارىمەن تانىستى.
«پۋسان كۇنىن» وتكىزۋ الماتى مەن پۋسان اراسىنداعى تىكەلەي بايلانىستى ودان ءارى دامىتۋعا مۇمكىندىك بەردى. 2026 جىلى 1 مامىردان باستاپ Eastar Jet اۋە كومپانياسى الماتى – پۋسان باعىتى بويىنشا اپتاسىنا ەكى رەت تىكەلەي رەيس ورىندايدى. ۇشۋ ۋاقىتى شامامەن التى ساعات. بۇل ەكى قالا اراسىنداعى ساپاردى جەڭىلدەتىپ، تۋريزم سالاسىنداعى بايلانىستى ارتتىرۋعا ىقپال ەتەدى.
الماتىعا وڭتۇستىك كورەيادان كەلەتىن تۋريستەر سانى دا ارتىپ كەلەدى. 2025 جىلى قالاعا كورەيا رەسپۋبليكاسىنان 23،2 مىڭ تۋريست كەلگەن. بۇل 2024 جىلمەن سالىستىرعاندا 15،3%-عا كوپ. وڭتۇستىك كورەيا نارىعى الماتى ءۇشىن ازياداعى بولاشاعى زور تۋريستىك باعىتتاردىڭ ءبىرى بولىپ قالا بەرەدى. ماۋسىم ايىندا قالانىڭ تۋريزم باسقارماسى وكىلدەرى Seoul International Travel Fair (SITF) حالىقارالىق كورمەسىنە قاتىستى. ال قاراشادا الماتى مۇمكىندىكتەرىن سەۋلدە وتەتىن KOREA MICE EXPO كورمەسىندە تانىستىرادى.
«پۋسان كۇنى» ەكى قالانىڭ تۋريستىك جانە ىسكەرلىك الەۋەتىن تانىستىرۋعا، جاڭا سەرىكتەستىك ورناتۋعا جول اشتى. تىكەلەي اۋە قاتىناسىنىڭ ىسكە قوسىلۋى مەن تۋريستىك جوبالاردىڭ كوبەيۋى تۋريستەر لەگىن ارتتىرۋعا سەپتىگىن تيگىزەدى.
