الماتى قالاسىندا كوميۋنيتي-ورتالىقتاردىڭ رەزيدەنتتەرى قالا تازالىعى مەن ينفراقۇرىلىمىنىڭ ۇزدىكسىز جۇمىسىن قامتاماسىز ەتىپ جۇرگەن كوممۋنالدىق قىزمەتكەرلەردى قولداۋ ماقساتىندا الەۋمەتتىك اكسيا وتكىزدى. ءىس-شارا اياسىندا جاس بەلسەندىلەر كوممۋنالدىق مەكەمە قىزمەتكەرلەرىنە ىستىق شاي مەن جەڭىل دامدەر ۇسىنىپ، ولاردىڭ ەڭبەگىنە ريزاشىلىقتارىن ءبىلدىردى، - دەپ حابارلايدى alnews.
اكسيا قالانىڭ ءارتۇرلى اۋداندارىندا ءوتىپ، كوميۋنيتي-ورتالىقتاردىڭ رەزيدەنتتەرى، ۆولونتەرلەر جانە بەلسەندى جاستاردى بىرىكتىردى. قاتىسۋشىلار كۇندەلىكتى تىنىمسىز ەڭبەك ەتىپ جۇرگەن قىزمەتكەرلەرگە العىس ايتىپ، زور دەنساۋلىق پەن اماندىق تىلەدى.
ۇيىمداستىرۋشىلاردىڭ ايتۋىنشا، مۇنداي باستامالار جاستار اراسىندا ءوزارا قۇرمەت پەن الەۋمەتتىك جاۋاپكەرشىلىك مادەنيەتىن قالىپتاستىرۋعا باعىتتالعان. كوميۋنيتي-ورتالىقتار تەك ءوزىن-وزى دامىتۋ كەڭىستىگى عانا ەمەس، سونداي-اق يگى ىستەر جۇزەگە اساتىن جانە قالا تۇرعىندارىن بىرىكتىرەتىن ماڭىزدى الاڭعا اينالىپ كەلەدى.
ادام ەڭبەگىن قۇرمەتتەۋ، ۆولونتەرلىك قوزعالىستى دامىتۋ جانە جاستاردى الەۋمەتتىك ماڭىزى بار جوبالارعا تارتۋ — الماتىداعى كوميۋنيتي-ورتالىقتاردىڭ نەگىزگى باعىتتارىنىڭ ءبىرى. وسىنداي اكسيالار قوعامداعى ىنتىماقتاستىقتى نىعايتىپ، جاس ۇرپاقتىڭ بەلسەندى ازاماتتىق ۇستانىمىن قالىپتاستىرۋعا ىقپال ەتەدى.
