الماتى قالاسىندا جاستار مەن ۆولونتەرلەردىڭ قاتىسۋىمەن جالعىزباستى زەينەتكەرلەرگە قولداۋ كورسەتۋگە باعىتتالعان الەۋمەتتىك اكسيا ءوتتى. ءىس-شارا بارىسىندا بەلسەندى جاستار بىرنەشە تۇرعىن ءۇي اۋلاسىن تازالاپ، اۋماقتى رەتكە كەلتىرىپ، قارت ادامدارعا كۇندەلىكتى تۇرمىستا ناقتى كومەك كورسەتتى، - دەپ حابارلايدى alnews.
اكسياعا كوميۋنيتي-ورتالىقتاردىڭ رەزيدەنتتەرى مەن ەرىكتىلەر قاتىسىپ، اۋلا تازالاۋ، قوقىس جيناۋ جانە اباتتاندىرۋ جۇمىستارىن جۇرگىزدى. باستامانىڭ باستى ماقساتى — اعا بۋىن وكىلدەرىنە قامقورلىق تانىتۋ، ۇرپاقتار اراسىنداعى بايلانىستى نىعايتۋ جانە جاستار اراسىندا الەۋمەتتىك جاۋاپكەرشىلىك مادەنيەتىن قالىپتاستىرۋ.
«ءبىز وسىنداي يگى باستامالار ارقىلى قوعامداعى بىرلىك پەن جاناشىرلىقتى كۇشەيتكىمىز كەلەدى. ءاربىر تازالانعان اۋلا –ۇلكەندەرگە كورسەتىلگەن شىنايى قامقورلىقتىڭ بەلگىسى»، - دەدى اكسياعا قاتىسقان ۆولونتەر دانيار ارعىنبەكوۆ.
ۇيىمداستىرۋشىلاردىڭ سوزىنشە، مۇنداي شارالار الداعى ۋاقىتتا دا جالعاسىن تاۋىپ، ءتۇرلى الەۋمەتتىك ساناتتاعى ازاماتتارعا قولداۋ كورسەتۋ باعىتىندا تۇراقتى تۇردە ۇيىمداستىرىلادى.
