الماتى قالاسىنىڭ كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسى «الماتى جاستارى» باعدارلاماسى بويىنشا ءوتىنىم قاراۋدى قورىتىندىلادى، - دەپ حابارلايدى alnews.
وتىنىمدەر 1-15 ماۋسىم ارالىعىندا kezekte.kz پورتالى ارقىلى قابىلدانىپ، باعدارلاماعا قاتىسۋ ءۇشىن بارلىعى 5 363 ءوتىنىم ءتۇستى.
قۇجاتتاردى قاراۋ بارىسىندا كەيبىر قاتىسۋشىلاردىڭ ءوتىنىم بەرۋ كەزىندە قىزمەت سالاسىن قاتە كورسەتكەنى انىقتالدى. بۇل تەحنيكالىق سيپاتتاعى قاتەلىك بولعاندىقتان، ولاردىڭ باعدارلاماعا قاتىسۋىنا كەدەرگى كەلتىرگەن جوق.
قۇجاتتاردى تەكسەرۋ ناتيجەسىندە 3 968 ءوتىنىم ماقۇلداندى. بيىل باعدارلاما اياسىندا كەمىندە 1 650 تۇرعىن ءۇي نەسيەسىن بەرۋ جوسپارلانعان. ءدال وسى مولشەردەگى قاتىسۋشىلار تولەم قابىلەتتىلىگىن راستاۋ ءۇشىن «وتباسى بانك» اق-نا جولداما الادى. كەزەكتىڭ الدىن الۋ ماقساتىندا جولدامالار كەزەڭ-كەزەڭىمەن اپتا سايىن 550 قاتىسۋشىعا بەرىلەدى.
تولەم قابىلەتتىلىگى راستالعاننان كەيىن قاتىسۋشىلارعا 45 كۇنتىزبەلىك كۇن ىشىندە باستاپقى نەمەسە قايتالاما تۇرعىن ءۇي نارىعىنان باسپانا تاڭداپ، 20 ملن تەڭگەگە دەيىنگى تۇرعىن ءۇي نەسيەسىن راسىمدەۋگە مۇمكىندىك بەرىلەدى.
ەگەر كەيبىر قاتىسۋشىلار تولەم قابىلەتتىلىگىن راستاي الماسا نەمەسە بەلگىلەنگەن مەرزىمدە تۇرعىن ءۇي تاڭداپ ۇلگەرمەسە، جولداما بەرۋ كەزەگى وڭ قورىتىندى العان كەلەسى ۇمىتكەرلەرگە وتەدى. بۇل باعدارلاماعا بولىنگەن قاراجاتتىڭ تولىق ءارى ءتيىمدى يگەرىلۋىن قامتاماسىز ەتەدى.
قۇجاتتاردى قاراۋ ناتيجەسىندە 1 395 ءوتىنىش بەرۋشىنىڭ قۇجاتتارى باعدارلاما تالاپتارىنا سايكەس كەلمەدى. بۇعان ولاردىڭ جەكە مەنشىگىندە تۇرعىن ءۇيىنىڭ بولۋى، سوڭعى بەس جىل ىشىندە تۇرعىن ءۇيدى يەلىكتەن شىعارۋى نەمەسە سوڭعى التى ايدا مىندەتتى زەينەتاقى جارنالارىنىڭ اۋدارىلماۋى سەبەپ بولدى.
ءوتىنىمى ماقۇلدانعان جانە ءوتىنىمى ماقۇلدانباعان ۇمىتكەرلەردىڭ ءتىزىمى kezekte.kz پورتالىنداعى ALMATY JASTARY سەرۆيسىنىڭ «تۇرعىن ءۇي قىزمەتتەرى» بولىمىندە جاريالانادى.
