الماتى حايۋاناتتار باعىندا ستەللا مەن اينا ەسىمدى اقبوكەندەر لاقتادى. بۇل تۋرالى قالالىق مادەنيەت باسقارماسىنىڭ وكىلدەرى ايتتى، - دەپ حابارلايدى alnews.حا
اقبوكەن (Saiga tatarica) – مۇز داۋىرىنەن بەرى جەر بەتىندە ساقتالىپ كەلە جاتقان جانۋارلار دۇنيەسىنىڭ ەڭ كونە وكىلدەرىنىڭ ءبىرى. قازىرگى تاڭدا بۇل سيرەك ءتۇر ەرەكشە قورعاۋعا الىنىپ، تابيعاتتى ساقتاۋ تۇرعىسىنان ماڭىزدى مارتەبەگە يە.
مامانداردىڭ ايتۋىنشا، جاڭا تۋعان لاقتاردىڭ جاعدايى جاقسى. ولار وسىپ-جەتىلىپ، انالارىنان ءبىر ەلى اجىراعان ەمەس. ازىرگە تولدەر انا سۇتىمەن قورەكتەنۋدە، ال ۋاقىت وتە كەلە تابيعي وسىمدىك تەكتەس ازىققا بىرتىندەپ بەيىمدەلەدى.
الماتى حايۋاناتتار باعى اقبوكەندەردى قولدا ءوسىرىپ، تۇراقتى تۇردە ءتول الىپ وتىرعان ساناۋلى زوولوگيالىق مەكەمەلەردىڭ ءبىرى. ماماندار مۇنى سيرەك كەزدەسەتىن جانۋار ءتۇرىن ساقتاۋعا جانە بيولوگيالىق الۋاندىقتى قورعاۋعا باعىتتالعان جۇمىستىڭ ماڭىزدى ناتيجەسى رەتىندە باعالايدى.
ءقازىر لاقتاردىڭ جاسى شامامەن ءبىر ايعا تاياعان. ولار ۆەتەرينار مامانداردىڭ تۇراقتى باقىلاۋىندا بولىپ، جاسىنا ساي دامىپ كەلەدى.
بۇگىندە حايۋاناتتار باعىنا كەلۋشىلەر اقبوكەننىڭ سۇيكىمدى لاقتارىن كورىپ، قازاق دالاسىنىڭ ەڭ سيرەك جانۋارلارىنىڭ ءبىرىن تاماشالاي الادى.
