2025 جىلى 23 ناۋرىزدا الماتىدا «تازا قازاقستان» باعدارلاماسى جانە «الماتى – ورتاق ءۇيىمىز» ناۋقانى اياسىندا «Almaty Clean&Green» قالانى تازارتۋ بويىنشا اۋقىمدى جالپىقالالىق اكسيا وتەدى. بۇل ءىس-شارا ناۋرىزناما مەرەكەسى اياسىندا اتاپ وتىلەتىن تازارۋ كۇنىنە ورايلاستىرىلعان.
اكسيا بۇكىل قالا اۋماعىندا ۇيىمداستىرىلىپ، قوعامدىق كەڭىستىكتەردى، دەمالىس ايماقتارىن، ساياباقتار مەن سكۆەرلەردى، سونداي-اق اۋلالاردى قامتيدى. نەگىزگى ءىس-شارانىڭ ءبىرى – قالا تۇرعىندارىنىڭ قاتىسۋىمەن وتەتىن اعاش وتىرعىزۋ ناۋقانى بولادى.
الماتى اكىمدىگى اكسيا قاتىسۋشىلارىنا كوشەت، قولعاپ، قاپ، كۇرەك، تىرما سىندى تازالاۋ جانە وتىرعىزۋ قۇرالدارىن ۇسىنىپ، قاجەتتى قولداۋ كورسەتەدى. جينالعان بارلىق قوقىس قايتا وڭدەۋ ءۇشىن پوليگونعا شىعارىلادى.
اكسيا 23 ناۋرىز ساعات 09:00-دە باستالىپ، قالانىڭ بىرنەشە ورنىندا وتەدى:
· الاتاۋ اۋدانى – 1. بورالداي وزەنى بويىنداعى گابيوندار (شاڭىراق-2 ش/ا.،)؛ 2. بورالداي وزەنى بويىنداعى باقىلاۋ الاڭى – https://2gis.kz/almaty/geo/9430073144770646/76.834122،43.291694
· المالى اۋدانى – دۇيسەنوۆ كوشەسى (روزىباكييەۆتەن باتىس باعىتتا)
· اۋەزوۆ اۋدانى – شالوۆ كوشەسى بويىمەن، پروكوفيەۆ كوشەسىندەگى جاياۋ جۇرگىنشىلەر ايماعى
· بوستاندىق اۋدانى – «وڭتۇستىك» ساياباعى
· جەتىسۋ اۋدانى – 1. جانگەلدين اتىنداعى سكۆەر؛ كوكمايسا سكۆەرى – https://2gis.kz/almaty/geo/9430073144770623/76.902129،43.306900
· ناۋرىزباي اۋدانى – اباي داڭعىلى بويىمەن
· مەدەۋ اۋدانى – ەسەنتاي وزەنىنىڭ جاعالاۋى (ءال-فارابي داڭعىلىنان جاماقايەۆ كوشەسىنە دەيىن) – https://2gis.kz/almaty/geo/70030076189990562/76.932582،43.218501
· تۇركسىب اۋدانى – س. سەيفۋللين اتىنداعى ساياباق، اۋعان سوعىسى ارداگەرلەرىنىڭ سكۆەرى
قالا تۇرعىندارىنا ىڭعايلى بولۋ ءۇشىن اباي-بايتۇرسىنوۆ داڭعىلىنان سەنبىلىك وتەتىن نەگىزگى ورىندارعا دەيىن ارنايى اۆتوبۋس قاتىنايدى.
اكسيا اياسىندا شاعىن كونسەرت، ەكولوگيا جانە ستريت-ارت بويىنشا شەبەرلىك دارىستەرى، ەكولوگيالىق تاقىرىپتاعى ۆيكتورينالار مەن جۇلدەلى بايقاۋلار سىندى ءتۇرلى تانىمدىق جانە قىزىقتى ءىس-شارالار ۇيىمداستىرىلادى. ارقان تارتىس پەن توعىزقۇمالاق سەكىلدى ۇلتتىق ويىندار دا وتەدى.
سونداي-اق، سەنبىلىككە قاتىسۋشىلار قاۋىپسىزدىك تەحنيكاسى مەن اعاش وتىرعىزۋ ەرەجەسى بويىنشا قىسقاشا نۇسقاۋلىق الادى.
