الماتى اكىمى دارحان ساتىبالدىنىڭ تاپسىرماسىمەن قۇرىلعان ۇلەستىك قاتىسۋ ماسەلەسى جونىندەگى ۆەدومستۆوارالىق كوميسسيا بىرنەشە تۇرعىن ءۇي كەشەنى ۇلەسكەرلەردىڭ مۇددەسىن قورعاۋ باعىتىندا جۇمىس جۇرگىزىپ جاتىر، - دەپ حابارلايدى alnews.
اتاپ ايتقاندا، Esentai City تۇرعىن ءۇي كەشەنىنىڭ جىلجىمايتىن مۇلكىنە سالىنعان تىيىمدى الىپ تاستاۋ جانە قۇرىلىستى جالعاستىرۋ ماسەلەسى شەشىمىن تاپتى. ال «دوستار دەليۋكس» تۇرعىن ءۇي كەشەنىنىڭ ۇلەسكەرلەرىنە كەلتىرىلگەن زالالدى وتەۋ تەتىگى مەنشىك يەلەرىنىڭ باستاماشىل توبىنا ۇسىنىلدى.
Monblanc تۇرعىن ءۇي كەشەنىنىڭ قۇرىلىسىن جالعاستىرۋعا نيەتتى ينۆەستور تابىلدى. ول جەر تەلىمىن ساتىپ الىپ، ۇلەسكەرلەردىڭ شىعىنىن وتەۋگە دايىن. ءقازىر ينۆەستور مەن ۇلەسكەرلەر اراسىندا ءتيىستى كەلىسىم ازىرلەنىپ جاتىر.
زاڭسىز سالىنعان Pine Hill جانە Sky Club تۇرعىن ءۇي كەشەندەرىنىڭ قۇرىلىس سالۋشىلارىنا قاتىستى قىلمىستىق ىستەر تەرگەلىپ جاتىر. ۆەدومستۆوارالىق كوميسسيا ينۆەستورمەن كەلىسىمگە كەلگەن. جەر تەلىمدەرىنە سالىنعان تىيىم الىنىپ، جوعالعان قۇجاتتار قالپىنا كەلتىرىلگەننەن كەيىن ۋچاسكەلەر ينۆەستورعا بەرىلەدى. وسىدان سوڭ ول ۇلەسكەرلەر الدىنداعى بەرەشەكتى وتەۋ مىندەتتەمەسىن موينىنا الادى.
ءقازىر كوميسسيا شۆەيساريا، Silver Hills جانە باسقا دا پروبلەمالىق تۇرعىن ءۇي كەشەنىنىڭ ۇلەسكەرلەرىنە قاتىستى ماسەلەلەردى شەشۋ جولدارىن قاراستىرىپ جاتىر. بۇل نىساندار بويىنشا قىلمىستىق ىستەردى تەرگەۋدىڭ اياقتالۋى كۇتىلىپ وتىر.
قالا باسشىسى بەكىتكەن ۆەدومستۆوارالىق كوميسسيانىڭ قۇرامىنا قۇقىق قورعاۋ ورگاندارىنىڭ، جەرگىلىكتى اتقارۋشى ورگانداردىڭ جانە باسقا دا مەملەكەتتىك مەكەمەلەردىڭ وكىلدەرى ەنگەن.
بۇعان دەيىن قالالىق ءماسليحات وتىرىسىندا قالا قۇرىلىسىن باقىلاۋ باسقارماسىنىڭ باسشىسى ولجاس تولەبايەۆ پروبلەمالىق تۇرعىن ءۇي كەشەندەرىنە قاتىستى كوميسسيا جۇمىسىنىڭ ءتارتىبىن تۇسىندىرگەن بولاتىن.
«ءاربىر پروبلەمالىق نىسان بويىنشا قۇرىلىستى اياقتاۋدىڭ ناقتى تەتىگى بەكىتىلىپ، وپەراتور مەن ىسكە اسىرۋ مەرزىمى ايقىندالادى. كوميسسيا شەشىمى ىسكە تارتىلعان بارلىق مەملەكەتتىك ورگان ءۇشىن مىندەتتى بولادى. بۇل ۇزاققا سوزىلاتىن كەلىسۋ راسىمدەرىن قىسقارتىپ، ناقتى ناتيجەگە قول جەتكىزۋگە مۇمكىندىك بەرەدى. ياعني، قۇرىلىستى اياقتاۋ نەمەسە ۇلەسكەرلەرگە كومەكتەسۋدىڭ بالاما جولدارىن ۇسىنۋ ماسەلەسى شەشىلەدى»، — دەدى باسقارما باسشىسى.
باستاپقى نارىقتان جىلجىمايتىن مۇلىك ساتىپ الماس بۇرىن قۇرىلىس سالۋشىنىڭ بارلىق قاجەتتى قۇجاتى بار ەكەنىنە كوز جەتكىزۋدى سۇرايمىز. سونداي-اق نىساننىڭ مارتەبەسىن قالا قۇرىلىسىن باقىلاۋ باسقارماسىنىڭ +7 705 89 66 000 نومىرىندەگى انىقتامالىق WhatsApp ارناسى ارقىلى تەكسەرۋگە بولادى.
جۇمىس ۋاقىتى: دۇيسەنبى-جۇما، ساعات 09:00-دەن 18:00-گە دەيىن.
