الماتىدا العاش رەت ۇيىمداستىرىلعان كاسىبي سۋرەتشىلەر اراسىنداعى «اجارلى الماتى» رەسپۋبليكالىق بايقاۋى قورىتىندىلاندى، - دەپ حابارلايدى alnews.
بايقاۋ قالا اكىمدىگىنىڭ قولداۋىمەن ءوتتى.
ءوتىنىم 7 تامىز بەن 7 قىركۇيەك ارالىعىندا قابىلدانىپ، وسى كەزەڭدە ەلىمىزدىڭ ءار وڭىرىنەن 168 جۇمىس كەلىپ ءتۇستى. ءبىرىنشى ىرىكتەۋ ناتيجەسىندە 109 جۇمىس ەكىنشى كەزەڭگە ءوتتى. بايقاۋدىڭ جالپى جۇلدە قورى 10،5 ملن تەڭگە بولدى.
16 قىركۇيەكتە الماتى قالاسى مۋزەيلەر بىرلەستىگىنە قاراستى الماتى گالەرەياسىندا جەڭىمپازداردى ماراپاتتاۋ ءراسىمى ءوتىپ، بايقاۋدىڭ قورىتىندى كورمەسى اشىلدى.
«بۇل بايقاۋ الماتى قالاسىنىڭ اكىمى دارحان امانگەلدى ۇلى ساتىبالدىنىڭ باستاماسى جانە تاپسىرماسى بويىنشا ۇيىمداستىرىلدى. الماتى ءاردايىم مادەنيەت پەن ونەردىڭ ورتالىعى بولىپ كەلدى. قالامىزدىڭ سۇلۋلىعىن، وزىندىك كەلبەتى مەن تىنىس-تىرشىلىگىن شىعارمالارىنا ارقاۋ ەتىپ، بار شەبەرلىگىن كورسەتكەن سۋرەتشىلەرگە العىس ايتامىن. بارشاڭىزدى قالا كۇنىمەن قۇتتىقتايمىن!» – دەدى الماتى قالاسى اكىمىنىڭ ورىنباسارى ابزال نۇكەنوۆ.
بايقاۋعا قازاقستاننىڭ ءار وڭىرىنەن كاسىبي سۋرەتشىلەر قاتىستى. جۇمىستاردى سۋرەتشىلەر، ونەرتانۋشىلار، مادەنيەت سالاسىنىڭ ماماندارى، مۋزەيلەر مەن گالەرەيا وكىلدەرىنەن قۇرالعان قازىلار القاسى باعالادى. باعالاۋ كەزىندە ورىنداۋ تەحنيكاسى، تۋىندىنىڭ كوركەمدىك قۇندىلىعى، يدەيانىڭ بىرەگەيلىگى، مازمۇنى مەن كومپوزيسياسى ەسكەرىلدى.
ءبىرىنشى ورىن مەن باس جۇلدە «الماتى – قيال الەمى» جۇمىسىنىڭ اۆتورى نۇربولات اسقارعا بەرىلدى.
ەكىنشى ورىندى «ارۋ قالا» جۇمىسىن ۇسىنعان نۇرلان قيلىبايەۆ پەن «بابە لەتو» تۋىندىسىنىڭ اۆتورى ماكسيم ۆەدەرنيكوۆ ءبولىستى.
ءۇشىنشى ورىن «پوسلە دوجديا، ۆەچەرنيي گورود» جۇمىسىمەن جالعاس تىلەۋقابىلعا جانە «الماتىنىڭ اق تاڭى» تۋىندىسىمەن قۇمار ومارحانعا بۇيىردى.
تاعى بەس سۋرەتشى العىس حاتتارمەن جانە ىنتالاندىرۋ سىيلىقتارىمەن ماراپاتتالدى. ولار: قانات شۇكىربەكوۆ، داۋرەنبەك بەكنازاروۆ، سۆەتلانا سوي، اقبوتا ءامىروۆا جانە مۇحتار بەگەنوۆ.
قورىتىندى كورمەنى الماتى گالەرەياسىنان 23 قىركۇيەككە دەيىن كورۋگە بولادى. مەكەنجايى: دوستىق داڭعىلى، 44.
سونىمەن قاتار 19-20 قىركۇيەكتە بايقاۋدىڭ ۇزدىك جۇمىستارى قالا كۇنىنە ارنالعان مەرەكەلىك باعدارلاما اياسىندا اباي الاڭىندا كوپشىلىك نازارىنا ۇسىنىلادى.
