Almatyda jańa oqý jyly qarsańynda mektepter men balalar mekemeleriniń qaýipsizdigi tekserilip jatyr, - dep habarlaıdy alnews.
Qalalyq Balalardyń quqyqtaryn qorǵaý jónindegi vedomstvoaralyq monıtorıń toby Qoǵamdyq keńes pen qoǵamdyq uıymdar ókilderimen birge qaladaǵy nysandardyń jańa oqý jylyna daıyndyǵyn tekserýde.
Aýqymdy jumystyń basty maqsaty – balalardyń quqyqtary men zańdy múddelerin qorǵap, bilim berý uıymdarynyń jańa oqý jylyna jan-jaqty daıyndyǵyn qamtamasyz etý jáne árbir bala úshin qaýipsiz ári qolaıly orta qalyptastyrý.
Bul jolǵy monıtorıń tek qajet qujattar men jabdyqtardyń bar-joǵyn formaldy túrde tekserýmen shektelmeıdi. Mamandar bilim berý uıymdarynyń naqty jumysqa daıyndyǵyna, qoljetimdiligine jáne qaýipsizdik júıeleriniń is júzinde qalaı jumys isteıtinine jan-jaqty baǵa berýde. Osy maqsatta Almatynyń ár aýdanynda arnaıy segiz monıtorıń toby qurylyp, jumysqa kiristi.
Almaty qalasy Balalardyń quqyqtaryn qorǵaý basqarmasynyń basshysy Janat Aıtpaeva monıtorıń barysynda keshendi qaýipsizdik máselesine erekshe basymdyq beriletinin jetkizdi.
– Basty mindetimiz – jańa oqý jyly qarsańynda árbir balanyń ómiri men densaýlyǵyna qater tóndirmeıtin qaýipsiz orta qalyptastyrý. Monıtorıń barysynda barlyq qaýipsizdik júıesiniń naqty jaǵdaıda qalaı jumys isteıtinin zerdelendi. Aıtalyq, beınebaqylaý kameralarynyń jazbalary arhıvte saqtalý merzimi keminde 30 táýlik bolýy, dabyl túımeleriniń jedel áreket etýi, órt qaýipsizdigi talaptarynyń saqtalýy baqylaýǵa alynǵan. Sonymen qatar sport jáne oıyn alańdaryndaǵy fýtbol qaqpalary men týrnıkter sekildi konstrýksıalardyń beriktigi men talapqa saı bekitilýine de erekshe nazar aýdarylýda, – dedi basqarma basshysy.
Monıtorıń barysynda bilim berý uıymdarynyń antıterrorıstik qorǵanys júıesi de jan-jaqty tekserilýde. Atap aıtqanda, beınebaqylaý kameralarynyń soqyr aımaqtarsyz jumys isteýi, kúzet qyzmetkerleriniń tótenshe jaǵdaı kezindegi áreket etý algorıtmi zerdelenedi. Sondaı-aq mektep aýmaǵy men ınfraqurylymynyń qaýipsizdigine basymdyq berilgen. Elektr qaýipsizdiginiń saqtalýy, lúkterdiń jabyq bolýy, oqýshylardyń mektepke kelip-ketý baǵyttarynyń qaýipsizdigi baqylaýǵa alynǵan.
Erekshe bilim berý qajettilikteri bar balalar úshin jasalǵan jaǵdaılar da nazarǵa alyndy. Monıtorıń toptary pandýstardyń, tutqalardyń jáne qoljetimdi evakýasıa joldarynyń talapqa sáıkestigin tekserýde.
Budan bólek, balalardyń qıyn jaǵdaıda jasyryn túrde kómek alýyna múmkindik beretin «QR-111» aqparattyq taqtaıshalarynyń bekitilgen dızaın-maketterine sáıkes ornalastyrylýy da zerdelenip jatyr.
Monıtorıń qorytyndysy boıynsha anyqtalǵan barlyq kemshilik tirkelip, jaýapty tulǵalarǵa olardy jedel joıý jóninde naqty usynymdar berilýde. Qaladaǵy balalardyń qaýipsizdigin qamtamasyz etý baǵytyndaǵy bul jumys aldaǵy ýaqytta da erekshe baqylaýda bolyp, júıeli túrde jalǵasady.
Jańa oqý jyly qarsańyndaǵy mundaı keshendi tekserýlerdiń basty maqsaty – árbir balanyń mektepte ózin qaýipsiz sezinýine jaǵdaı jasaý. Óıtkeni sapaly bilim berýdiń de, balanyń jan-jaqty damýynyń da eń basty alǵysharty – qaýipsiz orta.
