1. Esentaı Moll
Esentai Mall - bul erekshe atmosfera, saýda jáne oıyn-saýyq jaǵdaılaryn jasaý úshin jasalǵan erekshe oryndardyń biri. Munda siz fıtnes-klýb jáne SPA, balalar oıyn-saýyq aımaqtaryn taba alasyz, munyń bári kólik mingenderge de, jaıaý júrginshiler úshin de ońaı qol jetimdi jerde. Sonymen qatar, Esentai molda Ritz-Carlton qonaq úıi, jaqyn jerde jap-jasyl saıabaǵymen Esentai apartamentteri bar. Saýda ortalyǵy 6 qabattan, 100-den astam sándi dúkenderden, tamaqtanýǵa arnalǵan 14 oryndardan, Korean House Restaurant, EAST, Esentai Gourmet Bar, Fellini Grill Pasta Bar, OZYURT, PAUL Café, SUSHI`N`ROLL jáne t.b. sıaqty oryndardan turady. Esentaıda túrli oıyn – saýyqtar bolǵandyqtan balalar úshin de, eresekter úshin de óte qolaıly: Esentai galereıasy - zamanaýı eýropalyq jáne qazaqstandyq sýretshilerdiń kórmelerin, óner jáne mýzyka tarıhy boıynsha dáris kýrstaryn uıymdastyrý, jańadan bastap kele jatqan kolleksıonerler úshin semınarlar ótkizý arqyly Qazaqstanda art-naryqty damytýǵa yqpal etedi; Next Esentai - otbasylyq demalys úshin óte yńǵaıly iri oıyn-saýyq ortalyǵy.
2. Dostyq Plaza
Dostyq Plaza – bizdiń qalamyzdaǵy eń tanymal oryndardyń biri. Eger siz joǵary deńgeıdegi qyzmet jáne jaqsy ıntererdi baǵalaı biletin bolsańyz, onda bul saýda ortalyǵy sizdi qarsy alady. Qonaqtar saýda jasaý, fılmder kórý, oıyn alańynda balalarmen oınaý jáne t.b. sıaqty túrli oıyn-saýyqtarmen aınalysyp, jaqsy ýaqyt ótkize alady. Sonymen qatar, bul oryn tikeleı qala ortalyǵynda ornalasqandyqtan, óte yńǵaıly. Saýda ortalyǵy fırmalyq dúkenderi bar, sondaı-aq kınoteatry jáne meıramhana aýlasy bar 4 qabattan turady.
3. Mega Alma-Ata
Qalada saýda ortalyqtary kóp bolǵanyna qaramastan, Mega Alma-Ata ortalyǵy qalanyń eń alǵashqy saýda ortalyqtarynyń biri bolyp tabylady, alaıda osyǵan qaramastan halyq eń kóp baratyn jáne tanymal saýda ortalyǵy bolyp tabylady. ZARA, New Yorker, Armani Jeans, Marc O’Polo, Monsoon Accessorize, Baldinini, Starbucks, Burger King, KFC, Hardee’s jáne basqa da kóptegen tanymal brendter Mega Alma-Ata ortalyǵynda alǵashqy dúkenderin ashty. Býtıkterden basqa, Mega Alma-Ata adamdardy Scott Lighting Brıtandyq kompanıasynyń «Kún» shamy, 12 metrlik «Wish Tree» alma aǵashy, belgili sýretshi Marat Bekeevtiń kartınalary sıaqty jáne t.b. túrli art-nysandarymen qyzyqtyrady. Sondaı-aq, 3-shi qabattaǵy meıramhanalar galereıasymen tań qaldyrady, onda Crudo, SADU, ASSORTI Kazan, «Restorannyı dvorık», Korean House jáne «Vet Kafe» sıaqty meıramhanalar bar. Atraksıondar óndirisi boıynsha álemdik kóshbasshy Technical Park (Italıa) salǵan qalaǵa kelýshilerdi aınalma dóńgelegi de tartady, ol qaladaǵy eń bıik qurylystardyń biri bolyp tabylady.
4. Mega Park
Bul saýda ortalyǵynyń ataýyn estip aq bul jer aǵashtar men jasyl jelekter mekeni ekendigin ańǵarý qıynǵa soqpaıdy. Mega Park aýmaǵynda 700-ge jýyq aǵashtar men butalar otyrǵyzylǵan. Bul saýda ortalyǵy tek 2014 jyly ashylǵanyna qaramastan, almatylyqtar men týrıserdi árdaıym ózine tartady. Saýda ortalyǵynyń ınfraqurylymynyń ózge ortalyqtardan aıyrmashylyǵy – balalar men eresekterge arnalǵan úlken oıyn alańy bar. Munda túrli nysandar bar, mysaly, shaǵyn fýtbol (qysqy ýaqytta muz aıdyny) jáne basketbol alańdary; 2-6 jáne 6-12 jastaǵy balalarǵa arnalǵan oıyn alańdary; Rope Park Fransýz karýseli; órmeleý qabyrǵasy jáne júgirý joly.
5. Colibri
Bul saýda ortalyǵy áý bastan-aq ózindik erekshe qalalyq nysan retinde josparlanǵan bolatyn. Colibri-de usynylǵan dúkenderdiń kópshiligi eksklúzıvti. Bul saýda ortalyǵynyń ıntererin salý jáne jasaý úshin Eýropanyń túkpir-túkpirinen mamandar shaqyryldy: dekorator Ann-SHarlotta Arnold (Fransıa) býtıktiń terezelerimen jumys istedi; azyq-túlik dúkenin bezendirýge Mohammed Adıb pen Marıa Eskaleı (Ispanıa) shaqyryldy, al Cream Brule Gelato – ıtalándyq Djovannı Gastanyń jumysy. Naǵyz kásipqoılardyń barlyq jasaǵan jumystary bul saýda ortalyǵyn tartymdy jáne erekshe etedi. Usynylǵan mekemelerdiń assortımenti óte aýqymdy: 100-den astam sándi dúkender, krem-brúleniń kondıterlik ónimderi men Barmaglot bary, Goodwine sharap dúkeni jáne balalarǵa arnalǵan birneshe oıyn alańdary.
6. Moskva saýda ortalyǵy
Aıta ketetetin jaıt, kóptegen saýda ortalyqtary qala ortalyǵynda ornalasqan jáne bul aýyldyq jerlerde turatyn adamdar úshin qolaıly emes. Degenmen, Máskeý saýda ortalyǵy – bul qala shetinde turatyn turǵyndar úshin óte qolaıly saýda ortalyǵy. Qurylǵanyna az ýaqyt bolǵanyna qaramastan, bul jerdiń ınfraqurylymy qalanyń ajyramas bóligi bolyp tabylady. Munda 100-ge jýyq býtık, úlken kınoteatr, balalarǵa arnalǵan 3 oıyn alańy jáne meıramhanalar men fýd-kort bar. Sonymen qatar, jaqynda ortalyq alańda muz aıdyny ashyldy, jáne qysta mundaǵy atmosfera keremet tań qaldyrady.
7. Atakent Moll
Barlyq adamdar úshin saýda ortalyǵynyń ornalasqan jeri óte mańyzdy krıterıı bolyp tabylady jáne Atakent Moll osy krıterııdi eskere otyryp salynǵan. Bul jer óziniń joǵary sapadaǵy dúkenderi men meıramhanalarymen tanymal. Aýdanda Almatydaǵy eń úlken ýnıversıtet – Ál Farabı atyndaǵy Qazaq ulttyq ýnıversıteti, jasyl jelekti jáne eń kóp keletin saıabaq – Atakent saıabaǵy jáne basqa da kóptegen ǵımarattar bar. Ol ýnıversıtettiń mańynda ornalasqandyqtan, stýdentter úshin kóptegen ǵımarattar salyndy: sport zaldary, qoljetimdi baǵadaǵy kafeler, «Stýdent» uıaly telefon býtıgi jáne t.b.
8. Globýs
Almatyny keıde bilim qalasy dep te ataıdy, sáıkesinshe stýdentter men joǵary oqý oryndarynyń sany kóp. Sol sebepten kóptegen saýda ortalyqtary oqý oryndaryna nemese jataqhanalarǵa jaqyn ornalasqan. «Globýs» stýdentter úshin óte qolaıly oryn ekeni sózsiz, óıtkeni bul saýda ortalyǵynyń janynda úsh ýnıversıtet pen eki jataqhana bar. Nysandar alýan túrli bolmaǵanymen, olardyń árqaısysynyń sapasy aıtarlyqtaı joǵary. Mysal keltirer bolsaq, Almatydaǵy eń tańdaýly meıramhanalardyń biri «Túbeteıka»-nyń «Globýsta» jeke fılıaly bar, jáne saýda ortalyǵyna kelýshiler osy jerde tamaqtana alady. Sonymen qatar, bul aýdanda kóptegen bıznes ortalyqtary bar jáne qyzmetkerlerdiń túski as kezinde «Globýs»-qa kelýi óte yńǵaıly. Sondaı-aq, birneshe sán dúkenderi, sulýlyq salondary, bankomattar, bı stýdıasy jáne kóńildi ýaqyt ótkizýge qajetti basqa da nysandar jeterlik.
9. Forým
Jalpy aýdany 155 000 sharshy metrdi quraıtyn sońǵy býynnyń, úlken saýda jáne oıyn-saýyq ortalyǵy. Saýda ortalyǵynyń jumys isteý merzimi qysqa ekendigine qaramastan, onyń almatylyqtar men qala qonaqtary arasynda, kezdesý uıymdastyrýǵa jáne saýda jasaý úshin tanymal orynǵa aınalýyna múmkindigi bar. Forýmnyń ınfraqurylymy aıtarlyqtaı keremet emes, biraq ol jaqyn arada Almaty qalasyndaǵy úzdik ınfraqurylymdardyń birine aınalýy múmkin. Forýmnyń basty artyqshylyǵy onyń ornalasqan jerinde. Saýda ortalyǵy qalanyń ortalyq kósheleriniń qıylysynda, iri bıznes ortalyqtarynan (Nurly-Taý, AFD), qonaqúılerden, QazUÝ men QazUTÝ-dyń ýnıversıtetterinen, Keremet jáne AFD Plaza turǵyn úı keshenderinen birneshe mınýttyq jerde ornalasqan. Osy qolaılylyqtar bul jerde siz ózińizdiń súıikti brendterińizdiń dúkenderinde saýda jasap qana qoımaı, iskerlik kezdesýler uıymdastyryp, dostaryńyzben barda nemese meıramhanada bas qosyp, demalys kúnderin otbasyńyzben ótkizip, jaı ǵana jaılylyqta demalýǵa bolatyn óte yńǵaıly orynǵa aınaldyrady.
10. ADK
ADK – bul kóptegen paıdaly jáne ózińizge jaǵymdy saýda jasap qana qoımaı, ózińizdi jaqsy demalyspen qýantýǵa bolatyn oryn. ADK saýda ortalyǵy Chaplin Cinema kınoteatrynyń 6 zaly, Kinderville balalar oıyn-saýyq saıabaǵy jáne Savanka balalar qalashyǵy, A-Store azyq-túlik dúkeni jáne Pinta, KFC, Burger King jáne t.b. tamaqtaný oryndaryn qamtıdy. Saýda ortalyǵy turǵyn aýdanda ornalasqandyqtan, mańynda turǵyn úı keshenderi kóp. Osylaısha, «ADK» saýda oıyn-saýyq kesheni aýdan turǵyndaryna óte qolaıly.
