Qazaqstan Ulttyq Banki Memleket basshysynyń bastamasymen iske qosylǵan «Ulttyq qor – balalarǵa» baǵdarlamasy boıynsha 18 jasqa (qosa alǵanda) deıingi balalarǵa arnalǵan kezekti nysanaly talaptardyń BJZQ-ǵa eseptelgenin habarlady.
«Ulttyq qor – balalarǵa» baǵdarlamasy aıasynda 2025 jyldyń qorytyndysy boıynsha ár balanyń shotyna 130,71 AQSH dollarynan esepteldi. 2025 jyldyń sońynda baǵdarlamaǵa qatysýshy bala sany 6 918 656 boldy.
«Ulttyq qor – balalarǵa» baǵdarlamasy 2024 jyly 1 qańtarda iske qosyldy. 2024 jyly ár balaǵa 100,52 AQSH dollarynan bólingen bolatyn. 2025 jyly 129,38 AQSH dollary esepteldi.
Balalarǵa esepteletin soma jyl saıyn Ulttyq qordyń uzaqmerzimdi ınvestısıalyq tabysynyń jartysynan jáne qordaǵy valúta aktıvteriniń kólemine qaraı qalyptasady. Sonymen qatar aldyńǵy jyldary balalar shotyna eseptelgen qarajat bala 18 jasqa tolǵanǵa deıin Ulttyq qor portfelinde ınvestısıalana beredi, sol arqyly qosymsha tabys ákeledi.
Investısıalyq tabystyń kólemin eskergende, úsh jyldan beri baǵdarlama iske asqaly jınaqtalǵan jalpy soma bir balaǵa 370,56 AQSH dollaryn qurady. Tıisti aqparatpen elektrondy úkimettiń eGov mobile mobıldi qosymshasynda jáne kids.enpf.kz saıtynda 2026 jylǵy 31 qańtarda tanysýǵa bolady.
