Tótenshe jaǵdaılarda áreket etý: almatylyq stýdentterge seısmıkalyq qaýipsizdik negizderi úıretilýde

Almaty qalasy Jastar saıasaty basqarmasy men Tótenshe jaǵdaılar departamenti birlese otyryp, jastar arasynda seısmıkalyq qaýipsizdik mádenıetin qalyptastyrýǵa baǵyttalǵan keshendi aqparattyq sharalardy júıeli túrde ótkizip keledi.  
Jańa oqý jyly aıasynda joǵary oqý oryndarynyń stýdentterine jer silkinisi, tabıǵı apattar men tótenshe jaǵdaılar kezinde ózin-ózi ustaý erejeleri jáne qaýipsizdik algorıtmderi keńinen túsindirilýde. Sonymen qatar, órt qaýipsizdigi, alǵashqy medısınalyq kómek kórsetý, zardap shekkenderge psıhologıalyq qoldaý kórsetý syndy ómirlik mańyzy bar taqyryptar da qamtylýda.
Sharanyń negizgi maqsaty — jastardyń daǵdarys sátinde sabyr saqtap, durys sheshim qabyldaýyna, tıimdi áreket etýine yqpal etý. Almaty seısmıkalyq turǵydan asa kúrdeli aımaq bolǵandyqtan, árbir azamattyń, ásirese jastardyń, tótenshe jaǵdaıda óz ómirin qorǵap, ózgelerge kómek kórsete bilýi qoǵam qaýipsizdigi úshin erekshe mańyzdy.