Almatyda 4 qazanda Qazaqstan-Brıtan tehnıkalyq ýnıversıtetiniń alańynda Recycle Birge ekologıalyq aksıasy ótti, - dep habarlaıdy alnews.
Qala turǵyndary qaıtalama shıkizatty suryptaýǵa ótkizip, ózara zat almasyp, ekologıalyq bastamalarmen tanysa aldy. Bul týraly «Eco Almaty» JSHS ókilderi habarlady.
Aksıanyń negizgi baǵyttarynyń biri – zattardy qaıta paıdalaný boldy. Qatysýshylar ózderine qajet bolmaı qalǵan kıim-keshek pen basqa da zattardy ózgelerge berip, olardyń paıdalaný merzimin uzartýǵa jáne qaldyq kólemin azaıtýǵa múmkindik aldy.
Sondaı-aq alańda keıinnen suryptaý úshin qaıtalama shıkizat qabyldaý uıymdastyryldy. Qatysýshylarǵa qaldyqtardy bólek jınaý jáne olardy tıimdi basqarý qaǵıdattary túsindirildi.
Recycle Birge jobasy Almatyda 2019 jyldan beri júzege asyrylyp keledi. Osy ýaqyt ishinde qalada qaldyqtardy bólek jınaýǵa, zattardy qaıta paıdalanýǵa jáne jaýapty tutynýǵa baǵyttalǵan ekologıalyq aksıalar ótkizildi.
İs-shara «Taza Qazaqstan» respýblıkalyq ekologıalyq aksıasy aıasynda Almaly aýdany ákimdigi men Qazaqstan-Brıtan tehnıkalyq ýnıversıtetiniń qoldaýymen uıymdastyryldy. Bıyl aksıa Almaly aýdanynyń 90 jyldyǵyna da oraılastyryldy.
Qazan aıyndaǵy kezdesý ashyq qalalyq alańdarda ótken Recycle Birge is-sharalary maýsymyn qorytyndylady. Kúzgi-qysqy kezeńniń bastalýyna baılanysty jobanyń ekologıalyq jumysy aldaǵy ýaqytta basqa formattarda jalǵasady.
