Shymbulaq taý kýrortynda «Almaty bıikten» atty art-plener ótti, - dep habarlaıdy alnews.
İs-sharany Almaty Tourism Bureau uıymdastyrdy. Joba aıasynda almatylyq segiz sýretshi bas qosty. Olardyń qatarynda Anar Abjanova, Anna Fıdırko, Marat Qusaıynov, Naǵıma Ibrasheva jáne shyǵarmashylyq qaýymdastyqtyń ózge de ókilderi bar. Bul týraly Almaty qalasy Týrızm basqarmasynyń ókilderi habarlady.
Kúni boıy qatysýshylar tabıǵat aıasynda sýret salyp, İle Alataýynyń kórkem panoramalary men taý peızajdaryn shyǵarmalaryna arqaý etti. Ár sýretshi qalanyń eń tanymal týrısik oryndarynyń birin ózindik kózqarasymen beıneledi.
Joba týrızm men shyǵarmashylyqty toǵystyrdy: taý kýrorty ashyq aspan astyndaǵy sheberhanaǵa aınalsa, tabıǵat kórinisteri jańa týyndylardyń negizine aınaldy.
Shyǵarmalar sheberhanada tolyq aıaqtalǵannan keıin, olar Shymbulaq aýmaǵynda ótetin qorytyndy kórmede kópshilik nazaryna usynylady. Kelýshiler Almatynyń taý bókterindegi kórkin zamanaýı sýretshilerdiń kózimen tamashalaı alady.
Jobanyń seriktesi – Shymbulaq taý kýrorty.
