«Shymbulaqtyń» kelýshilerdi qabyldaý múmkindigi bes esege artady

Almatyda taý shańǵysy ınfraqurylymyn aýqymdy keńeıtý josparlanǵan. Bul týraly qalalyq Týrızm basqarmasynyń ókilderi habarlady.
 
Joba aıasynda «Medeý» bazalyq stansıasy arqyly «Shymbulaq» pen Oi-Qaragai kýrorttaryn biriktiretin biryńǵaı taý kýrorttary júıesi qurylmaq.
 
Joba sheńberinde 30 jańa aspaly jol salý, jalpy uzyndyǵy 151 shaqyrym bolatyn taý shańǵysy trassalaryn jasaý jáne qoldanystaǵy ınfraqurylymdy jańǵyrtý kózdelgen.
 
Joba tolyq iske asqannan keıin taý shańǵysy júıesiniń táýliktik qabyldaý múmkindigi bes esege artyp, 6 myńnan 30 myń kelýshige deıin jetedi.
 
Sonymen qatar Týrızm basqarmasy 2029 jylǵa deıingi Almaty taý klasterin damytýdyń keshendi jospary ázirlenip jatqanyn habarlady. Qujat jeti baǵyt boıynsha 73 is-sharany qamtıdy. Onda taý ınfraqurylymyn damytý, taý shańǵysy kýrorttarynyń biryńǵaı júıesin qalyptastyrý, jańa aspaly joldar salý jáne týrısik marshrýttardy damytý qarastyrylǵan.
 
Jobany júzege asyrý nátıjesinde sheteldik týrıser sany eki esege jýyq ósip, 986 myńnan 1,7 mıllıon adamǵa jetedi dep kútilýde. Sondaı-aq. týrızm salasynda jumyspen qamtylǵandar sany 101,8 myń adamǵa deıin artady.