Almaty Ortalyq Azıadaǵy eń tartymdy týrısik baǵyttardyń biri retindegi ornyn nyǵaıtyp keledi. Mastercard Tourism Insights jáne D/AI Destinations halyqaralyq taldaý platformalarynyń málimetine sáıkes, 2026 jyldyń birinshi toqsanynda Almatyǵa ushaq bıletterin izdeý suranystary ótken jyldyń osy kezeńimen salystyrǵanda 71%-ǵa ósken. Bul týraly Almaty qalasynyń Týrızm basqarmasynyń ókilderi habarlady.
Ásirese, Qytaı (+166%), AQSH (+93%), Ulybrıtanıa (+85%) jáne Ońtústik Koreıa (+75%) elderinen qyzyǵýshylyq kóptep tirkelgen.
Sıfrlyq pikirlerdi taldaý qorytyndysy boıynsha Almatyǵa saparǵa shyqqan týrıserdiń jalpy qanaǵattaný ındeksi 82,6 bal. Basqarma málimetinshe, qaladaǵy kórikti oryndar, qonaq úıler, meıramhanalar jáne qysqa merzimge jalǵa beriletin ornalastyrý nysandary eń joǵary baǵalanǵan.
