2023-2029 jyldarǵa arnalǵan turǵyn úı-kommýnaldyq ınfraqurylymdy damytý tujyrymdamasy aıasynda Almatyda turǵyn úılerdi jańartý jumystary júrip keledi.
Baǵdarlamanyń negizgi maqsaty – azamattar úshin qolaıly, qaýipsiz ári energıa tıimdi turǵyn úı ortasyn qurý.
Jańartylǵan turǵyn úı. Foto: gov.kz
Baǵdarlama birneshe mańyzdy baǵyttan turady:
- Kópqabatty úılerdi kúrdeli jóndeý: Shatyr aýystyrý, jertólelerdi jóndeý jáne ınjenerlik júıelerdi jańartý boıynsha turaqty jumystar júrgiziledi.
- Komýnaldyq ınfraqurylymdy jańǵyrtý: Jylý, sý jáne káriz júıelerin jańartý úderisin ońtaılandyryp, komýnaldyq júıelerdiń úzdiksiz jumysyn qamtamasyz etedi.
2024 jyly 100 kópqabatty turǵyn úıde kúrdeli jóndeý júrgizip, 100 jedelsaty jabdyqtaryn aýystyrý. Búginde qol jetkizilgen nátıjeler:
- 100 kópqabatty úıde jóndeý jumystaryna kelisimsharttar jasalǵan, onyń ishinde:
- 46 úıde jumys aıaqtaldy;
-54 úıde jóndeý jumystary jalǵasýda;
- Jedelsaty jabdyqtaryn aýystyrý boıynsha: 45 úıde 87 jedelsaty aýystyrýǵa kelisimsharttar jasaldy, qazirgi ýaqytta:
- 3 úıde 4 jedelsaty aýystyryldy;
- 42 úıde 83 jedelsatyny aýystyrý jumystary jalǵasýda.
2011 jyly turǵyn úı qoryn jańǵyrtý baǵdarlamasy bastalǵannan beri 1070 úı jóndeýden ótti, 1023 úıde 2155 jedelsaty aýystyryldy.
Kúrdeli jóndeýden ótken úılerdiń turǵyndary ómir súrý sapasynyń aıtarlyqtaı jaqsarǵanyn aıtady. Turǵyndar úıleriniń jaılylyǵy men qaýipsizdigi artqanyn, sondaı-aq zamanaýı tehnologıalardyń engizilýine baılanysty energıa shyǵyndarynyń tómendegenin aıtyp otyr.
Baǵdarlama eskirgen turǵyn úılerdiń paıdalaný merzimin uzartýǵa ǵana emes, sonymen qatar energıa tıimdiligin arttyrýǵa jáne komýnaldyq qyzmetterdiń sapasyn jaqsartýǵa baǵyttalǵan.
Memlekettik jańǵyrtý baǵdarlamasy aıasynda turǵyndar jóndeý jumystaryn ótkizý úshin ótinish bere alady. Ol úshin menshik ıeleriniń 51% daýysyn jınap, ótinish berý qajet. Jóndeý jumystarynyń quny komýnaldyq tólemderge qosylady jáne memleketke qaıtarymdy negizde óteledi.
Almaty qalasy Komýnaldyq ınfraqurylymdy damytý basqarmasy
The Alnews
