Almatynyń Respýblıka alańyndaǵy Táýelsizdik monýmentine qarama-qarsy, Sátbaev kóshesiniń boıynda ornalasqan «Almaty qalasynyń ákimdigi» jańa aıaldama pýnkti paıdalanýǵa berildi. Bul týraly qalalyq Jol qozǵalysyn uıymdastyrý jáne jolaýshylar tasymaly basqarmasynyń ókilderi habarlady.
Aıaldama zamanaýı pavılonmen, jolaýshylarǵa arnalǵan kútý oryndarymen jáne aqparattyq taqtalarmen jabdyqtalǵan. Ony ornalastyrý kezinde jolaýshylardyń qaýipsizdigine, jaılylyǵyna jáne avtobýsqa miný men túsý qolaılylyǵyna erekshe nazar aýdaryldy.
Bul aıaldamaǵa eki baǵyt boıynsha №21, №45, №95 jáne №121 avtobýs baǵyttary qyzmet kórsetedi. Atalǵan baǵyttarǵa kún saıyn 75 avtobýs shyǵyp, qalanyń eń suranysqa ıe aýdandarynyń birine turaqty qatynasty qamtamasyz etedi.
Jańa aıaldamanyń iske qosylýy qoǵamdyq kólik qyzmetiniń sapasyn arttyrýǵa, memlekettik jáne qoǵamdyq nysandardyń qoljetimdiligin jaqsartýǵa, sondaı-aq Almatynyń ortalyq bóligindegi jolaýshylar úshin qolaıly jaǵdaı jasaýǵa múmkindik beredi.
